આજકાલના સમયમાં બધુ ઓનલાઈન થઇ ગયુ છે. માતા-પિતા માટે પોતાના બાળકોને ફોનની સ્ક્રીન પરથી દૂર રાખવા એ કોઈ પડકારથી ઓછુ નથી. સ્માર્ટ ફોન, ટેબલેટ્સ આજકાલના સમયમાં બાળકો માટે જરૂરી ટૂલ્સ બની ગયા છે.
બાળકોની સ્માર્ટ ફોનની ટેવ માટે માતા-પિતા જવાબદાર!
સ્માર્ટ ફોનની આદત પડવાથી બાળકોનું માનસિક સ્વાસ્થ્ય રૂંધાય છે
સ્માર્ટ ફોનના વધુ પડતા ઉપયોગથી થાય છે આડઅસર
સ્માર્ટ ફોનના ઉપયોગની બાળકો પર પડી રહી છે ગંભીર અસર
ઑનલાઈન વર્લ્ડના ઘણા ફાયદા પણ છે. જેનાથી બાળકોને સેકન્ડ્સમાં જ પોતાના કોઈ સવાલનો જવાબ સરળતાથી મળી શકે છે. પરંતુ સ્માર્ટ ફોન વગેરે ટુલ્સનો ઉપયોગ કરવાથી બાળકોના આરોગ્ય પર ખરાબ અસર પડી શકે છે. આ ટુલ્સનો ઉપયોગ કરવાથી બાળકોનુ માનસિક સ્વાસ્થ્ય પણ પ્રભાવિત થઇ રહ્યું છે. એક અભ્યાસ મુજબ યુવાનો દરરોજ લગભગ 9 કલાક સ્ક્રીનની સામે રહે છે. તો 8 થી 12 વર્ષ સુધીના બાળકો દરરોજ લગભગ 6 કલાક સ્ક્રીનની સામે રહે છે. સ્માર્ટફોનના વધુ પડતા ઉપયોગથી ઘણી ખતરનાક આડઅસરો થાય છે.
વ્યવહાર સંબંધી સમસ્યાઓ
ખરાબ ટેવ
ડિપ્રેશન
ઊંઘ આવવામાં સમસ્યા
મેદસ્વિતા
ધ્યાન લગાવવુ અને સાંભળવામાં મુશ્કેલી
નર્વસ સિસ્ટમ સાથે જોડાયેલી સમસ્યા
બ્રેકટાઈમ
બાળકોમાં એનર્જીનો ભંડાર હોય છે. એવામાં જરૂરી છે કે આ એનર્જીનો યોગ્ય ઉપયોગ કરવામાં આવે. આ વાતનુ ધ્યાન રાખો કે તમારું બાળક ખાલી બેસ્યા સિવાય કઈ પ્રવૃતિ ચાલુ રાખે. બાળકો કોઈના કોઈ કામમાં પોતાનુ ધ્યાન પરોવી રાખે અને દર 30 મિનિટમાં તેમને સ્ટ્રેચિંગ કરવા માટે કહે. જો તમારું બાળક કામ વગર બેસી રહેશે તો કંટાળો આવવાના સમયે સ્માર્ટફોનનો ઉપયોગ કરવાની જીદ કરવા લાગશે. એવામાં જરૂરી છે કે તમે બાળકને કોઈ પ્રવૃત્તિમાં વ્યસ્ત રાખો.
બીજી વસ્તુઓને આપો પ્રાથમિકતા
નક્કી કરો કે સ્માર્ટફોન જોતા પહેલા તમારું બાળક પોતાનુ હોમવર્ક, અભ્યાસ અને બાકી બધા જરૂરી કામને પૂર્ણ કરી લે. જેનાથી આગળ ચાલીને તેને પોતાની પ્રાથમિકતાઓ અંગે જાણકારી રહેશે.
ધ્યાન હટાવવા અને લાલચ તરીકે ના આપો સ્માર્ટફોન
સ્માર્ટ ફોન દ્વારા બાળકો દુનિયા અને પોતાની આજુબાજુ ચાલતી ઘણી ચીજ વસ્તુઓ અંગે જાણી શકે છે. એવામાં સ્માર્ટફોનનો ઉપયોગ બિલ્કુલ ના કરવો પણ તે પણ યોગ્ય નથી. પરંતુ જરૂરી છે કે તમે ઓછા સમય માટે બાળકોને સ્માર્ટ ફોનનો ઉપયોગ કરવા આપો. પરંતુ બાળકો પાસે કોઈ કામ કરાવવુ અથવા કોઈ ચીજ વસ્તુ પરથી ધ્યાન હટાવવા માટે સ્માર્ટ ફોનની લાલચ આપવી બિલ્કુલ પણ યોગ્ય નથી. જેનાથી બાળકના મગજ પર તેની ખરાબ અસર પડી શકે છે. આજકાલ માતા-પિતા બાળકોને ખૂબ ઓછો સમય આપી રહ્યાં છે. જેનાથી બાળકોને સ્માર્ટ ફોનની ટેવ પડી ગઇ છે.