ફિલિપને થોડીવાર પછી હાથમાં પહેરેલી એપલની સ્માર્ટ વોચ યાદ આવી અને તેણે તરત જ તેના એસઓએસ ફિચરની મદદથી ઇમર્જન્સી સર્વિસ 911 પર કોલ કર્યો. થોડી વારમાં હેલિકોપ્ટર સાથે શિકાગો પોલીસ આવી પહોંચી અને તેને બચાવી લીધો. ફિલિપ તેનો જીવ બચ્યો તે માટે સ્માર્ટ વોચનો આભાર માની રહ્યો છે.
મોબાઇલ અને સ્માર્ટ વોચ (smart watch) જેવા ડિવાઇસ કયારેક લાઇફ સેવર (life saver) બને છે. અમેરિકામાં એક વ્યકિતને તેનો અનુભવ થયો અને તેની જિંદગી બચી ગઇ. મિશિગન લેકમાં ફિલિપ એશો જેટ સ્કી કરી રહ્યા હતા. અચાનક પાણીના જબરદસ્ત મોજાથી તેઓ પાણીમાં ફેંકાઇ ગયા અને તેમનો મોબાઇલ પણ પાણીમાં ગરકાવ થઇ ગયો. પાણીને પ્રવાહ એટલો જબરદસ્ત હતો કે લાઇફ સેવિંગ જેકેટ હોવા છતાં તરવામાં મુશ્કેલી પડી રહી હતી. તેણે બુમો પણ પાડી કે જેથી નજીકમાં ફરી રહેલી બોટના લોકોનું ધ્યાન ખેંચાય.
જો કે કોઇનું ધ્યાન તેના તરફ ગયું નહી. ફિલિપને થોડીવાર પછી હાથમાં પહેરેલી એપલની સ્માર્ટ વોચ યાદ આવી અને તેણે તરત જ તેના એસઓએસ ફિચરની મદદથી ઇમર્જન્સી સર્વિસ 911 પર કોલ કર્યો. થોડી વારમાં હેલિકોપ્ટર સાથે શિકાગો પોલીસ આવી પહોંચી અને તેને બચાવી લીધો. ફિલિપ તેનો જીવ બચ્યો તે માટે સ્માર્ટ વોચનો આભાર માની રહ્યો છે. જો તેની પાસે સ્માર્ટ વોચ ન હોત તો કદાચ તેનો જીવ જોખમમાં મુકાઇ ગયો હોત.
એપલ જેવી સ્માર્ટ વોચે લોકોની જિંદગી બચાવી હોય તેવા અનેક બનાવ નોંધાયા છે. તેમાં એક ફોલ ડિટેકશન ફિચર છે. માની લો કે વોચ પહેરી હોય તે વ્યકિત અચાનક હાર્ટ એટેક,ચક્ક્રર આવવાથી કે અન્ય કોઇ કારણથી પડી જાય અને 60 સેકન્ડ સુધી કોઇ મુવમેન્ટ ન કરે તો વોચ પોતાની મેળે ઇમર્જન્સી સર્વિસને કોલ કરી દે છે. વોચના લોકેશનના આધારે ઇમર્જન્સી સર્વિસની ટીમ મદદ માટે પહોંચી જાય છે. આપણા ત્યાં પણ ઘણા લોકો સ્માર્ટ વોચનો ઉપયોગ કરતા હોય છે. જો કે ઘણાને તેના લાઇફ સેવિંગ ફિટરની જાણકારી હોતી નથી,આમ તો મોબાઇલમાં પણ નેટવર્ક ન હોય તો મુશ્કેલીના સમયમાં ઇમર્જન્સી સર્વિસમાં એસઓએસ કોલ કરી શકાય છે.