ટેકનોલોજીએ આપણા જીવનને ઘણાખરા અંશે આસાન બનાવી દીધું છે. જેની આપણે કલ્પના પણ કરી ન શકીએ તેવા નવા નવા સ્માર્ટ ડિવાઇસ આવી રહ્યા છે. ભારત સરકાર ટૂંક સમયમાં 100 સ્માર્ટ સિટીઝનું નિર્માણ કરવા જઈ રહી છે.આ યોજના હેઠળ સરકાર લોકોના ઘરોમાં સ્માર્ટ નેમ પ્લેટ લગાવવાની યોજના છે.
ઘરની બહાર સરકાર લગાવશે સ્માર્ટ નેમ પ્લેટ
ટૂંક સમયમાં 100 સ્માર્ટ સિટીઝનું કરાશે નિર્માણ
એક નેમ પ્લેટ પાછળ 5 હજારનો ખર્ચ
લોકોને તેમાં ક્યૂઆર કોડનો સપોર્ટ પણ મળશે. આ કોડમાં પરિવારના સભ્યો, વીજળી બિલ અને ટેક્સ જેવી માહિતી હશે. આ સિવાય તમે વિવિધ પ્રકારની સર્વિસિસના બિલ પણ ઓનલાઇન ચૂકવી શકશો.
વિશેષ ટેકનોલોજીવાળી નેમ પ્લેટ લગાવાશે ઘરની બહાર
દેશની સ્માર્ટ ટેક કંપની સ્માર્ટ સીટી દ્વારા આ વિશેષ ટેકનોલોજીવાળી નેમ પ્લેટ તૈયાર કરવામાં આવી છે. યુઝર્સ મોબાઇલ એપ્લિકેશન દ્વારા ક્યૂઆર કોડ સ્કેન કરી શકશે અને ઘર સંબંધિત માહિતી મેળવી શકશે.પહેલા તબક્કામાં મધ્યપ્રદેશના શહેર ઉજ્જૈનના એક લાખથી વધુ ઘરોમાં ઇલેક્ટ્રોનિક નેમ પ્લેટ લગાવવાનું કામ પણ શરૂ થઈ ગયું છે. ડોર ટુ ડોર કચરો લેવા આવતા
કર્મચારીઓએ પણ ક્યૂઆર કોડ સ્કેન કરવો પડશે.
એક નેમ પ્લેટ પાછળ 5 હજારનો ખર્ચ
તેનાથી ખબર પડશે કે જે તે ઘરમાંથી કચરો ઉપાડવામાં આવ્યો છે કે નહીં ?આ ઉપરાંત લોકોને કચરો ઉપાડતી ગાડીનું લોકેશન પણ મળશે.આ અંગે એક અધિકારીએ જણાવ્યું હતું કે એક નેમ પ્લેટ બનાવવા માટે 500 રૂપિયા જેટલો ખર્ચ થયો છે. બહુ જલ્દી દેશના અન્ય શહેરોમાં પણ સ્માર્ટ નેમ પ્લેટનો પ્રોજેકટ શરુ થાય તેવી શકયતા છે. જોકે સમગ્ર પ્રોજેકટ કયારે પુરો થશે તે અંગે કોઇ માહિતી આપવામાં આવી નથી.