મોટાભાગે ગૃહિણીઓ જ્યારે રસોઈ બનાવે છે ત્યારે તેમાં અવનવી ટ્રિક્સ અપનાવતી રહે છે. તેઓ રસોઈને સ્વાદિષ્ટ બનાવવા માટે અનેક પ્રયાસ કરે છે. આજે અમે આપને કેટલીક એવી ટિપ્સ આપીશું જેનાથી તમારી રસોઈ ટેસ્ટી તો બનશે અને સાથે તેનો રંગ પણ સારો રહેશે.
જો તમે ઘી કે કાંઇ બનાવી રહ્યા છો અને તે બળી જાય છે તો તમે કેટલીક ટિપ્સ યૂઝ કરીને તેને ફરીથી સારું રાખી શકો છો. તો જાણી લો આવી જ કામની ટિપ્સ.
બટાકાની ટિક્કી બનાવતી સમયે કાચું કેળું બાફીને માવામાં મિક્સ કરી લો. તેનાથી ટિક્કીનો સ્વાદ વધી જશે.
દૂધ ગરમ કરતી સમયે લાગે કે દૂધ ફાટી જશે તો તેમાં અડધી ચમચી ખાવાનો સોડા અને થોડું પાણી મિક્સ કરીને ઉભરો લો. દૂધ ફાટશે નહીં.
ઘરમાં ઘી બનાવી રહ્યા હોવ અને તે બળી જાય તો તેની કાળાશ દૂર કરવા માટે બટાકાને સુધારીને ઘીમાં મિક્સ કરી લેવાથી ઘી સાફ થઈ જાય છે.
લીંબુના અથાણામાં મીઠાના કણ દેખાય તો તેમાં થોડી ખાંડનો પાવડર મિક્સ કરી લો. અથાણું ફરી તાજું થઈ જશે.
મશરૂમને ક્યારેય પાણીથી ન ધૂઓ. તે પાણી શોષી લે છે. તેને ભીના કપડાંથી સાફ કરવું.
જે પ્લાસ્ટિકના ડબ્બામાં ખાવા પીવાની ચીજો રાખી હોય તેની બહાર થોડું સરસિયાનું તેલ લગાવી દેવાથી કીડીઓ દૂર રહે છે.
દાળ બાફતી સમયે તેમાં 2-3 ટુકડા સોપારી નાંખી દેવાથી દાળ ઝડપથી બફાઈ જાય છે.
ટામેટા કે બદામની છાલ ઝડપથી ઉતારવા માટે તેને દસ મિનિટ ઉકળતા પાણીમાં પલાળી રાખો.
બટાકાની ચિપ્સ સ્ટોર કરતી સમયે તેમાં સૂકું લાલ મરચું અને સાથે લીમડાના પાન રાખો. તેનાથી તેમાંથી સ્મેલ નહીં આવે.
ડ્રાયફ્રૂટ્સ કે અન્ય ચીજો ઝડપથી કાપવી હોય તો તેને એક કલાક સુધી ફ્રિઝમાં રાખી દો.
ફ્લાવર બનાવતી સમયે તેનો રંગ જળવાઈ રહે તે માટે તેમાં એક ચમચી દૂધ મિક્સ કરી લો.
દહીંને ગ્રેવી કે બિરયાનીમાં નાંખતા પહેલાં તેને સારી રીતે ફેંટી લો. થોડી વાર ફ્રિઝમાં રાખીને થોડું ઠંડું થાય પછી ઉપયોગમાં લો. ગ્રેવીનો સ્વાદ વધી જશે.