કેન્દ્ર સરકાર દ્વારા સ્માર્ટ સિટી પ્રોજેક્ટના 100 શહેરોનું રેન્કિંગ જાહેર કરાયું છે. આ લિસ્ટમાં રાજકોટનું નામ શોધવુ પડે તેવી સ્થિતિ સર્જાઇ છે. કારણ કે સ્માર્ટ સીટી પ્રોજેક્ટમાં રાજકોટ 12મા ક્રમેથી સીધુ જ 45માં ક્રમે ધકેલાયું છે. મહત્વનું છે કે મિનિસ્ટ્રી ઓફ હાઉસિંગ એન્ડ અર્બન અફેર્સ દ્વારા સ્માર્ટ સિટી મિશન અંતગર્ત પસંદ થયેલા 100 શહેરોએ પૂરા કરેલા પ્રોજેક્ટ, કાર્યરત પ્રોજેક્ટ, ગ્રાન્ટના વપરાશના ફાઈનાન્સિયલ સર્ટિફિકેટ એડવાઈઝરી ફોરમ મિટિંગ જેવા માપદંડના આધારે ડાઈનેમિક રેન્કિંગ જાહેર કર્યુ છે.
સ્માર્ટ સિટી પ્રોજેક્ટમાં રાજકોટનો ધબડકો
ડાઈનેમિક રેન્કિંગમાં ટોપ 10 શહેરોમાં ગુજરાતના સુરત અને અમદાવાદ સિવાય એક પણ શહેરનો સમાવેશ થયો નથી. રાજકોટ મહાનગર પાલિકા દ્વારા સ્માર્ટ સિટી પ્રોજેક્ટની ધીમી ગતિએ કામગીરી ચાલી રહી હોય તેમ લાગી રહ્યુ છે પરિણામે રાજકોટ 12મા નંબરેથી ધક્કેલાઇને 45માં નંબરે પહોંચી ગયું છે. મહત્વનું છે કે સ્માર્ટ સિટી અંતર્ગત રાજકોટમાં માત્ર 34 ટકા જ કામ થયું. કોન્ટ્રાક્ટ એજન્સીઓ કામ ન કરતી હોવાનો આક્ષેપ કરવામાં આવ્યો તો સામે એજન્સીઓએ મનપા નાણાં ન ચૂકવતી હોવાનો આક્ષેપ કર્યો હતો.
ડાઈનેમિક રેન્કિંગમાં 128.80 સ્કોર સાથે સુરત પ્રથમ ક્રમે
મિનિસ્ટ્રી ઓફ હાઉસિંગ એન્ડ અર્બન અફેર્સ દ્વારા સ્માર્ટ સિટી મિશન અંતગર્ત પસંદ થયેલા 100 શહેરોએ પૂરા કરેલા પ્રોજેક્ટ, કાર્યરત પ્રોજેક્ટ, ગ્રાન્ટના વપરાશના ફાઈનાન્સિયલ સર્ટિફિકેટ એડવાઈઝરી ફોરમ મિટિંગ જેવા માપદંડના આધારે ડાઈનેમિક રેન્કિંગ જાહેર કર્યુ છે. ડાઈનેમિક રેન્કિંગમાં 128.80 સ્કોર સાથે સુરત ટોચના ક્રમે છે. જ્યારે 120.39 સ્કોર સાથે આગ્રા બીજા ક્રમે, 119.18 સ્કોર સાથે વારાણસી ત્રીજા ક્રમે, 117.05 સ્કોર સાથે ભોપાલ ચોથા ક્રમે અને 117.77 સ્કોર સાથે ઈન્દોર પાંચમાં ક્રમે છે. જ્યારે 105.25 સ્કોર સાથે અમદાવાદ છઠ્ઠા ક્રમે છે.
ટોપ 10 શહેરોમાં સુરત અને અમદાવાદ સિવાય રાજ્યનું એક પણ શહેર નહીં
ડાઈનેમિક રેન્કિંગમાં ટોપ 10 શહેરોમાં ગુજરાતના સુરત અને અમદાવાદ સિવાય એક પણ શહેરનો સમાવેશ કરાયો નથી.ઉલ્લેખનીય છે કે, સ્માર્ટ સિટી મિશન અંતર્ગત કેન્દ્ર સરકાર દ્વારા 50 ટકા, રાજ્ય સરકાર દ્વારા 25 ટકા અને સુરત ન.પા દ્વારા 25 ટકા ગ્રાન્ટો આપવામાં આવે છે. ગ્રાન્ટના વપરાશ માટે ફાઈનાન્સિયલ સર્ટિફિકેટ રાજ્ય અને કેન્દ્ર સરકારમાં નિયત સમય મર્યાદામાં મોકલવા જરૂરી છે.
સુરતસ્માર્ટ સિટી અંતર્ગત રૂપિયા 1971 કરોડના 69 પ્રોજેક્ટો પૂર્ણ થઈ ગયા છે. જેમાં કિલ્લાના રેસ્ટોરેશનની પહેલા તબક્કાની કામગીરી, એઆઈસી સુરત આઈલેબ,એલઈડી સ્માર્ટ સ્ટ્રીટ લાઈટ અને સમાર્ટ મોનિટરિંગ સિસ્ટમ સહિતના વિવિધ 69 પ્રજેક્ટો સાકાર થઈ ચુક્યા છે.