અજબ ગજબ / Video: દુનિયાનું સૌથી નાનું ગામ, જ્યાં રહે છે ફક્ત એક જ વ્યક્તિ

ઘણા લોકો એકલા રહેવાનું પસંદ કરે છે, જ્યારે કેટલાક લોકો એવા હોય છે જે એકલા રહેવાના વિચારથી પણ ડરતા હોય છે પણ આ દુનિયામાં એક એવું ગામ છે જ્યાં એક મહિલા એકલી રહે છે. આ ગામ અમેરિકાના નેબ્રાસ્કા રાજ્યમાં આવેલું છે અને તેનું નામ છે નામ મોનોવી અને આ ગામમાં જે એક વૃદ્ધ મહિલા રહે છે તેનું નામ છે એલ્સી એઈલર.

આ વિશ્વનું એકમાત્ર એવું ગામ છે જ્યાંની કુલ વસ્તી માત્ર એક વ્યક્તિની છે અને ઇંટ્રેસ્ટિંગ વાત એ છે કે આ જે એલ્સી એઈલર છે તેની ઉંમર આશરે 88 વર્ષની છે. આટલી ઉંમરલાયક હોવા છતાં આ મહિલા ગામના બધા જ કામ પોતે કરે છે.

અમેરિકાનું આ ગામ 54 હેકટરમાં ફેલાયેલુ છે અને કહેવાય છે કે વર્ષ 1930માં અહીંયા 123 લોકો રહેતા હતા, સમય જતાં લોકો બહાર સેટલ થતાં રહ્યા અને 1980માં અહીંયા માત્ર 18 લોકો વધ્યા હતા.

વર્ષ 2000ની સાલ આવતા આવતા અહીંયા એલ્સી એઈલર અને તેના પતિ રુડી બે જ લોકો બચ્યા હતા પરંતુ રુડીનું 2004માં અવસાન થયા બાદ એલ્સી એકલા આ ગામમાં રહે છે.

વધુ વાંચો: 50 વર્ષની ઉંમરે પણ જવાન દેખાવું છે! તો આજથી જ તમારી પ્લેટમાં આ ચીજવસ્તુઓ સામેલ કરી દો

ગામમાં એકલા રહેવાને કારણે આ આખા ગામની જાળવણીની જવાબદારી એલ્સી પર છે અને ત્યાંના જાહેર સ્થળોની જાળવણી માટે સરકાર તેમને અમુક પૈસા આપે છે. આ પૈસા કેવી રીતે અને ક્યાં ખર્ચ કરવો તે ફક્ત એલ્સી પર નિર્ભર છે. આ સિવાય સમર એટલે કે ઉનાળામાં લોકો આ ગામમાં ફરવા પણ આવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ