હવે પોસ્ટ ઓફિસની સ્મૉલ સેવિંગ્સ સ્કીમમાં રોકાણ કરવા પર તમને વધુ વ્યાજ મળશે. મોદી સરકારે વ્યાજદરમાં 70 બેસિસ પોઈન્ટ્સનો વધારો કર્યો છે.
મોદી સરકારે અનેક સ્કીમમાં વધાર્યા વ્યાજદરો
વ્યાજદરમાં 70 બેસિસ પોઈન્ટ્સનો વધારો કર્યો
પોસ્ટ ઓફિસની સ્મોલ સેવિંગ્સ સ્કીમમાં વધુ વ્યાજ
હવે પોસ્ટ ઓફિસની સ્મોલ સેવિંગ્સ સ્કીમમાં રોકાણ કરવા પર તમને વધુ વ્યાજ મળી શકશે. મોદી સરકારે સ્મૉલ સેવિંગ્સ સ્કીમ્સ પર વ્યાજદરમાં 70 બેસિસ પોઈન્ટ્સ એટલે કે કુલ 0.70% નો વધારો કર્યો છે. આ વધારો એપ્રિલથી જૂન 2023ના સમયગાળા માટે કરવામાં આવ્યો છે. નાણામંત્રીએ આજે આ સંબંધમાં એક સર્ક્યુલર જાહેર કર્યું છે.
આ સ્કીમમાં વ્યાજદરો વધારાયા
સીનિયર સિટીઝન સેવિંગ્સ સ્કીમ, મંથલી ઈનકમ સેવિંગ્સ સ્કીમ, નેશનલ સેવિંગ્સ સર્ટિફિકેટ, કિસાન વિકાસ પત્ર, પોસ્ટ ઓફિસ ટાઈમ ડિપોઝિટ અને સુકન્યા સમૃદ્ધિ યોજના પર વ્યાજદરોમાં વધારો કરવામાં આવ્યો છે.
The rates of interest on various Small Savings Schemes for the first quarter (Q1) of financial year 2023-24 starting from 1st April, 2023 and ending on 30th June, 2023 have been revised as follows👇 pic.twitter.com/OwLr8MxhGU
જાણો નવા વ્યાજદરો
પોસ્ટ ઓફિસ સેવિંગ્સ એકાઉન્ટ્સ પર વ્યાજદરોમાં કોઈ ફેરફાર નથી. પરંતુ 1 વર્ષની પોસ્ટ ઓફિસ ટાઈમ ડિપોઝિટ પર વ્યાજદર હવે 6.6%થી વધારીને 6.8% થયાં છે. જ્યારે 2 વર્ષની પોસ્ટ ઓફિસ ટાઈમ ડિપોઝિટને 6.8%થી વધારીને 6.9% કરી દેવાયું છે.સીનિયર સિટીઝન સેવિંગ્સ સ્કીમમાં રોકાણ કરનારાઓ માટે વ્યાજ 8.0%થી વધીને 8.2% થયું છે. પોસ્ટ ઓફિસ મંથલી ઈનકમ સ્કીમોમાં વ્યાજદરોને 7.1%થી વધારીને 7.4% કરી દેવામાં આવ્યું છે. સરકારે નેશનલ સેવિંગ્સ સર્ટિફિકેટ એટલે કે NSCમાં વ્યાજદરોને 7.0% થી વધારીને 7.7% કર્યું છે.
PPF પર નથી વધ્યાં વ્યાજદરો
પબ્લિક પ્રોવિડેંટ ફંડ એટલે કે પીપીએફ સ્કીમમાં વ્યાજદર સમાન છે. સ્કીમ પર પહેલાની જેમ 7.1%નાં દરથી સાથે વ્યાજ મળે છે. જ્યારે કિસાન વિકાસપત્ર એટલે કે KVP પર 7.2% ની જગ્યાએ 7.5%નો વ્યાજદર મળશે. હવેઆ સ્કીમમાં રોકાણ કરેલા પૈસા 115 મહિનામાં મેચ્યોર થશે. પહેલાં તે 150 મહિનામાં મેચ્યોર થતાં હતાં.