VIRAL / જીવથી વ્હાલી ઢીંગલી: બાળકીની સાથે સાથે ઢીંગલીનું પણ પ્લાસ્ટર કરવું પડ્યું, કારણ રસપ્રદ

11 મહિનાની એક નાની બાળકી પગમાં પ્લાસ્ટર લગાવવા માટે ડોક્ટરોને ખાસ તરકીબ અપનાવી પડી. આ બાળકીના પગમાં ગંભીર ઇજા થઇ હતી, ત્યારબાદ ડૉક્ટર્સે પ્લાસ્ટર કરવાનું કહ્યું હતું. પરંતુ બાળકી એટલી ડરી ગઇ હતી કે ડૉક્ટર્સ એની સારવાર કરી શકતા નહતા. 

અંતે ડૉક્ટર્સે એક એવી તરકીબ અપનાવી ત્યારબાદ બાળકી સારવાર કરાવવા માની ગઇ. વાસ્તવમાં ડૉક્ટર્સને પહેલી બાળકીની બાજુમાં જોવા મળેલી ઢીંગલીના પગમાં પણ પ્લાસ્ટર કરવું પડ્યું. ત્યારબાદ જ બાળકી સારવાર માટે તૈયાર થઇ.

આટલું જ નહીં બાળકીને દવા અથવા ઇન્જેક્શન આપવા માટે પણ ડૉક્ટર્સે આવું જ કરવું પડ્યું. ઢીંગલીને દવા અને ઇન્જેક્શન આપ્યા બાદ જ બાળકી આવું કરવા તૈયાર થઇ રહી હતી. 

આ ઘટના દિલ્હીની લોકનાયક હોસ્પિટલની છે. બાળકીની માતાએ જ્યારે ડૉક્ટર્સને જણાવ્યું કે એ એની ઢીંગલી સાથે આખો દિવસ રમે છે તો ડોક્ટર્સને સારવાર કરવા માટે આ વિચાર આવ્યો. 

દિલ્હીના દરિયાગંજમાં રહેતી ફરીન બે સપ્તાહ પહેલા પલંગ પરથી નીચે પડી ગઇ હતી. આ ઘટનાથી એના પગમાં ફ્રેક્ચર આવી ગયું. ત્યારબાદ બાળકીના પરીવારના લોકો એની સારવાર કરાવવા હોસ્પિટલ લઇને ગયા.