તમારા કામનું / પૈસાની તંગી હોય તો તરત જ આ કામ શરૂ કરી દો, દર મહિને 50 હજારની આવક શરૂ થઈ જશે

• આ બિઝનેસમાં દર મહિને થશે 50 હજારની આવક
• 2 લાખ રૂપિયામાં શરૂ કરો બિઝનેસ
• સરકાર પણ કરશે મદદ

આ વ્યવસાય શરૂ કરવા માટે તમારે માત્ર 2 લાખ રૂપિયા જ રોકાણ કરવા પડશે. આ કામમાં કેન્દ્ર સરકાર તમને મદદ કરશે. સરકારની મુદ્રા સ્કીમ હેઠળ લોન સરળતાથી મળી રહી છે. આ સ્કીમ હેઠળ સરકારે અલગ- અલગ બિઝનેસ શરૂ કરવા માટે પ્રોજેક્ટ રિપોર્ટ પણ તૈયાર કર્યા છે.

ટોમેટો સોસ બિઝનેસ શરૂ કરો

ઘરથી લઈને હોટલ, રેસ્ટોરન્ટ, કેન્ટીન અને ફૂડ સ્ટોલ પર ટામેટાના કેચઅપ અને સોસનો ખૂબ ઉપયોગ કરવામાં આવે છે. આજકાલ ઘણી મોટી અને લોકપ્રિય બ્રાન્ડની સાથે ઘણાં પ્રકારની સ્થાનિક બ્રાન્ડ પણ બજારમાં હાજર છે. જો સ્થાનિક બ્રાન્ડની ગુણવત્તા સારી હોય તો માંગ વધે છે. આવી સ્થિતિમાં આ વ્યવસાય શરૂ કરવો એક સારો આઈડિયા સાબિત થઈ શકે છે.

ઓનલાઈન લઈ શકો છો લાઈસન્સ

આ બિઝનેસ શરૂ કરવા માટે તમારી પાસે લાઈસન્સ હોવો જરૂરી છે. આ fssai દ્વારા જારી કરવામાં આવશે. તમે ઓનલાઈન પણ લાઈસન્સ ખરીદી શકો છો. જે 10-15 દિવસમાં મળી જાય છે. 

કરી શકો છો સર્ટિફિકેશન કોર્સ

સોસ બનાવવા માટે આમ તો પાંચ લોકોની જરૂર હોય છે પરંતુ પ્રોડક્ટની માર્કેટિંગ માટે પણ તમારે 4-5 લોકો જોઈશે. મેન્યુફેક્ચરિંગ માટે જે લોકો આ કામ કરી ચૂક્યા છે એવા 6 મહિનાનો અનુભવ ધરાવતા લોકો હોવા જોઈએ અથવા કોઈ સંસ્થામાંથી ફૂડ પ્રોસેસિંગનો કોર્સ પણ કરી શકાય છે. 

કેવી રીતે મળશે લોન

મુદ્રા યોજના હેઠળ લોન માટે તમારે સરકારી અથવા બેંક શાખામાં અરજી કરવી પડશે. જો તમે તમારો પોતાનો વ્યવસાય શરૂ કરવા માંગો છો, તો તમારે અન્ય દસ્તાવેજો આપવાના રહેશે જેમાં ઘર માલિકી અથવા ભાડાના દસ્તાવેજો, કામ સાથે સંબંધિત માહિતી, આધાર, PAN નંબર સામેલ છે. તપાસ બાદ બેંક મેનેજર લોન મંજૂર કરે છે.

અરજી કેવી રીતે કરવી

તમે આ માટે પ્રધાનમંત્રીની મુદ્રા યોજના હેઠળ કોઈપણ બેંકમાં અરજી કરી શકો છો. આના માટે તમારે ફોર્મ ભરવાનું છે જેમાં નામ, સરનામું, વ્યવસાયનું સરનામું, શિક્ષણ, વર્તમાન આવક અને કેટલી લોન જોઇએ છે. આમા કોઈ પ્રોસેસિંગ ફી અથવા ગેરેંટી ફી હોતી નથી.