નફો / દિવાળીમાં આ બિઝનેસની કરી દો શુભ શરૂઆત, ઓછા રોકાણમાં થશે વધુ નફો

• શું તમે નાનો બિઝનેસ કરી વધુ રૂપિયા કમાવવાનું પ્લાનિંગ કરી રહ્યાં છો?
• શું તમારે દિવાળી પહેલાં વધુ નફો કમાવવો છે? 
• આ ધંધો શરૂ કરવાથી તમારું વિજળીનું બિલ નિયંત્રણમાં રહેશે

LED Bulb ની માંગ વધી

અહીં અમે વાત કરી રહ્યાં છે LED Bulb Business ની. જેની અત્યારે માંગ વધી ગઇ છે. આ LED બલ્બ આવ્યાં બાદ તેની રોશનીમાં વધારો થયો છે. જેના કારણે વિજળીના બિલો નિયંત્રણમાં આવી ગયા છે. આ LED Bulb Business ideaના કારણે ઘણાં લોકોને રોજગાર મળ્યો છે. જેની ટ્રેનિંગ સરકાર તરફથી આપવામાં આવે છે.

LED Bulbની લિમિટ અને આયુષ્ય

મહત્વનું છે કે, LED બલ્બથી વિજળીનો ખર્ચ ઘટી જાય છે અને પ્રકાશ પણ સારો આપે છે. જેની ટાઈમ લિમિટ પણ સારી હોય છે, જે લાંબા સમય સુધી ચાલે છે. આ ગોળા પ્લાસ્ટિકથી બનેલા હોય છે. તો તેનો તૂટવાનો ડર પણ ઓછો રહે છે. એક LED બલ્બનું આયુષ્ય સામાન્ય રીતે 50,000 કલાક અથવા તેનાથી વધુ હોય છે. જ્યારે  CFL બલ્બનું આયુષ્ય 8000 કલાક સુધીનુ હોય છે. રસપ્રદ વાત એ છે કે એલઈડી બલ્બને રિસાઈકલ કરી શકાય છે. એલઈડીમાં સીએફએલ બલ્બની જેમ પારો હોતો નથી. પરંતુ તેમાં લેડ અને નિકલ જેવા ઘટકો સામેલ હોય છે. 

તમારે ફક્ત નાનું રોકાણ કરવાનુ છે !

જો તમે પોતાનો બિઝનેસ શરૂ કરવા ઈચ્છો છો તો તેના માટે તમારે ફક્ત નાનું રોકાણ કરવુ પડશે. ઓછા ખર્ચમાં LED Bulb બનાવવાનો બિઝનેસ ખૂબ સારો છે. ઉલ્લેખનીય છે કે, મિનિસ્ટ્રી ઓફ માઈક્રો, Small and medium-sized enterprises હેઠળ અમુક સંસ્થાઓ એલઈડી બલ્બ બનાવવાની ટ્રેનિંગ આપે છે. જેના માટે હવે દરેક જગ્યાએ સ્વરોજગાર કાર્યક્રમ હેઠળ ટ્રેનિંગ આપવામાં આવે છે. આ સિવાય જે કંપની એલઈડી બલ્બનો સામાન આપે છે, એવી કંપનીઓ પણ આની ટ્રેનિંગ આપે છે. પોતાના બિઝનેસને શરૂ કરવા માટે તમે તેનો પણ સંપર્ક કરી શકો છો.

અહીંથી લઈ શકો છો ટ્રેનિંગ

LED Bulb બનાવવાની ટ્રેનિંગ દરમ્યાન તમારે બેસિક આફ LED, Basic of PCB, LED Driver, Fitting-Testing, મટિરિયલની ખરીદી, માર્કેટીંગ, સરકારી સબસિડી સ્કીમ સિવાય ઘણી સારી ચીજ વસ્તુઓ અંગે જણાવવામાં આવશે. આ બિઝનેસને શરૂ કરવા માટે તમારે અંદાજે 50 હજાર રૂપિયાથી કામ શરૂ કરવુ પડશે. આ કામ માટે તમારે કોઈ દુકાન ખોલવાની જરૂર નથી. આ બિઝનેસને તમે ઘર બેઠાં પણ સરળતાથી શરૂ કરી શકો છો. તેને શરૂ કરવા માટે મોટી મશીનની જરૂર નથી અને વધારે વિજળીની પણ જરૂર પડતી નથી.