પ્રદૂષણથી સતત બગડી રહેલી સ્થિતિની વચ્ચે કેન્દ્ર સરકારે પ્લાસ્ટિક પર પ્રતિબંધ લગાવી દીધો છે. એવામાં જો તમે પણ કોઈ નફાવાળો બિઝનેસ શરૂ કરવા માગો છો તો તમારા માટે ઉત્તમ તક છે. તમે ડિસ્પોજલ પેપર કપનો બિઝનેસ શરૂ કરી શકો છો.
ઓછા ખર્ચમાં વધુ નફો કમાવવો છે?
તો ડિસ્પોજલ પેપર કપનો બિઝનેસ શરૂ કરી શકો છો
સરકાર મુદ્રા યોજના હેઠળ 75 ટકા લોન આપશે
આ બિઝનેસ તમે ઓછા ખર્ચમાં શરૂ કરી શકો છો
અત્યારે પેપર કપની માગ વધારે છે. આ બિઝનેસને તમે ઓછા ખર્ચમાં શરૂ કરી શકો છો અને વધારે નફો પણ કમાવી શકો છો. આ બિઝનેસને શરૂ કરવા માટે તમને સરકાર પણ મુદ્રા યોજના હેઠળ મદદ કરી રહી છે. ઉલ્લેખનીય છે કે, કેન્દ્ર સરકારની મુદ્રા લોન તરફથી આ બિઝનેસમાં મદદ પણ મળે છે. મુદ્રા લોન હેઠળ સરકાર વ્યાજ પર સબસિડી આપે છે. આ યોજના હેઠળ કુલ પ્રોજેક્ટ ખર્ચનો 25 ટકા ભાગ તમારે પોતાની પાસે રોકાણ કરવુ પડશે. મુદ્રા યોજના હેઠળ 75 ટકા લોન સરકાર આપશે.
કઈ ચીજવસ્તુઓની પડશે જરૂર?
જેના માટે તમને મશીનની જરૂર પડશે. જે વિશેષ રીતે મશીન દિલ્હી, હૈદ્રાબાદ, આગ્રા અને અમદાવાદ સહિત ઘણા શહેરોમાં મળે છે. આ પ્રકારના મશીનો તૈયાર કરવાનું કામ એન્જિનિયરિંગ વર્ક કરનારી કંપનીઓ કરે છે. હવે વાત આવે છે વિસ્તારની. આ બિઝનેસ કરવા માટે તમારે 500 ચોરસફૂટ એરિયાની જરૂર પડશે. મશીનરી, ઈક્વિપમેન્ટ ફિસ ઈક્વિપમેન્ટ અને ફર્નીચર, ડ્રાય, ઈલેક્ટ્રીફિકેશન, ઈન્સ્ટોલેશન અને પ્રી ઓપરેટિવ માટે 10.70 લાખ રૂપિયા સુધીનો ખર્ચ થઇ શકે છે. જો તમે ત્યાં કુશળ અને બિનકુશળ બંને પ્રકારના કામદારો રાખો છો તો તમારે લગભગ 35000 રૂપિયા મહિને તેની પર ખર્ચ કરવા પડશે.
કેટલો મળશે નફો?
જો તમે પણ આ બિઝનેસ શરૂ કરવા માગો છો તો આ જાણી લો કે જો તમે વર્ષના 300 દિવસ કામ કરો છો તો આટલા દિવસોમાં તમે દિવસમાં 2.20 કરોડ યુનિટ પેપર કપ તૈયાર કરી શકો છો. ઉલ્લેખનીય છે કે, માર્કેટમાં તેને તમે કપ અથવા ગ્લાસદીઠ લગભગ 30 પૈસાના હિસાબે વેચી શકો છો. આ રીતે તમને બમ્પર નફો થશે.