મુંબઈમાં વહેલી સવારથી ધીમી ધારે વરસાદ હવામાન વિભાગનું એલર્ટ

મુંબઈમાં વહેલી સવારથી રીમઝીમ વરસાદથી વાતાવરણમાં ઠંડક પ્રસરી છે. ધીમી ધારે વરસાદ થતાં મુંબઈવાસીઓએ ગરમીથી રાહત મેળવી છે.  વરસાદના કારણે તાપમાનમાં પણ ઘટાડો થયો છે.  

આ ઉપરાંત હવામાન વિભાગે આગાહી કરી છે કે આવનારા દિવસોમાં વરસાદનું પ્રમાણ વધી શકે છે.  હવામાન વિભાગે બે દિવસ અગાઉ જ દેશના અન્ય રાજ્યો સહિત મુંબઈમાં ભારે વરસાદની આગાહી કરી હતી.  

તમને જણાવી દઈએ કે આજે વહેલી સવારે અમદાવાદ સહીત ગુજરાતના મોટાભાગના વિસ્તારોમાં મેઘરાજાએ દસ્તક દીધી છે. મેઘરાજાની આ ધમાકેદાર અર્ન્ટ્રીથી લોકોમાં ખુશીનો માહોલ જોવા મળ્યો છે. 

આ ઉપરાંત વરસાદના કારણે કાળઝાળ ગરમીથી લોકોને રાહત મળી છે. જ્યારે હવે બહુ સમયથી વરસાદની વાટ જોતા ખેડૂતો પણ વાવણીના શ્રીગણેશ કરશે. વરસાદના કારણે ખેડૂતોમાં પણ ખુશીનો માહોલ જોવા મળ્યો છે.