આ સપ્તાહના મહત્ત્વના યોગોમાં સપ્તાહની મધ્યમાં શુક્ર અને ઓપોઝિશન ડિગ્રીકલી થાય છે અને તેજ દિવસે મંગળ અને રાહુનો કેન્દ્રયોગ પણ બને છે. એક જ દિવસ બનતા આ બે યોગો ચાંદીમાં અને સોનામાં મોટી વેચવાલી લાવતાં બંને ધાતુમાં સારા નરમ ભાવ જોવા મળી શકે છે. ચાંદીમાં એક જ દિવસમાં ગભરાટભરી વેચવાલી આવી શકે છે.
આ સપ્તાહના ગ્રહયોગો જોતાં સોના-ચાંદીમાં તેજીનો અણસાર નથી જોવા મળતો
મંગળ અને રાહુના યોગ શેરબજારમાં પણ મોટી વેચવાલી લાવી શકે
સપ્તાહના અંતિમ દિવસોમાં પણ તેલ, તેલીબિયાં, એરંડામાં મજબૂતી ના જ યોગો હોવાથી સ્ટોક કરીને જ વેપાર કરવો લાભદાયી રહી શકે
આગ, ત્રાસવાદી અને આતંકવાદી હુમલા મોટા થઇ શકે
મંગળ અને રાહુના યોગ શેરબજારમાં પણ મોટી વેચવાલી લાવી શકે છે. શેરબજારમાં સારી ગીરાવટ સપ્તાહના મધ્યમાં જોવા મળી શકે છે. આ સપ્તાહ સૂર્ય અને શુક્રના રાહુ સાથેના સંબંધ દેશ અને દુનિયા માટે તકલીફ અને મુસીબત લાવનાર બની શકે છે. કુદરતી હોનારત, ધરતીકંપ, વાવાઝોડા જેવી ઘટનાઓ બની શકે છે. મંગળ સાથે હોવાથી, આગ, ત્રાસવાદી અને આતંકવાદી હુમલા મોટા થઇ શકે છે. આવી ઘટનાઓ બનવાની શક્યતા છે.
આ સપ્તાહમાં સૂર્ય અન્યોન્ય થકી નીચત્વ પામે છે અને ગુરુ સ્વરાશિમાં ભ્રમણ કરે છે. આ સપ્તાહમાં ચંદ્ર પૃથ્વીથી અતિ દૂર રહેલ છે.
ગ્રહયોગ જોતાં આ દિવસોમાં મેટલ, ઓટો, ફાર્મા, રિલાયન્સ, બેન્ક સેકટરમાં વધઘટ વધુ આવી શકે
શેરબજારઃ મિત્રો, ઉપરોક્ત ગ્રહયોગનો અભ્યાસ કરતા શેરબજારમાં સપ્તાહની શરૂઆત મજબૂતી સાથેના ભાવથી ઓપનિંગ થઇ શકે છે. પણ શેરબજારમાં સપ્તાહની શરૂઆતથી જ મંદી ધ્યાન રાખીને વેપાર કરવો. સપ્તાહની શરૂઆતમાં દરેક ભાવે વેચી શકાય તેવી રીતે વેપાર ગોઠવવો હિતાવહ છે. આ દિવસોમાં નિફટીનો વેપાર વેચીને કરી શકાય અથવા નિફટી પુટનો વેપાર કરવાથી લાભ મળી શકે છે. ગ્રહયોગ જોતાં આ દિવસોમાં મેટલ, ઓટો, ફાર્મા, રિલાયન્સ, બેન્ક સેકટરમાં વધઘટ વધુ આવી શકે છે.
સપ્તાહના અંતિમ દિવસોમાં પણ બજારમાં નરમ ધ્યાન રાખી વેપાર કરવો
આ સપ્તાહના મધ્યના દિવસોમાં બજારમાં વેચવાલી આવે તેવા યોગો હોવાથી બજારમાં વેચવાલી આવતા નરમ બજાર જોવા મળી શકે છે. આ દિવસોમાં એકાદ દિવસ મોટી ઝડપી વેચવાલી આવી શકે છે. આ નરમ ભાવેમાં નફો બુક કરતા જવો હિતાવહ છે. સપ્તાહના અંતિમ દિવસોમાં પણ બજારમાં નરમ ધ્યાન રાખી વેપાર કરવો. આ દિવસોમાં તેજીનો વેપાર કરવો હિતાવહ નથી. આ દિવસોમાં બજારમાં વધઘટ કે બે તરફી વધઘટે નરમાઇના યોગો છે. આ દિવસોના અંતિમ દિવસે બજારમાં વેચવાલી આવી શકે છે.
એકંદરે શેરબજારમાં આ સપ્તાહમાં ખુલતાં ઇન્ડેકસ કે નિફટીમાં અંતિમ દિવસે નરમાઇ જોવા મળી શકે છે. આ સપ્તાહમાં ઓટો, રિલાયન્સ, બેન્ક, મેટલ, સેકટરમાં કે નિફટીમાં વેપાર કરી શકાય છે.
સોના-ચાંદી ઃ આ સપ્તાહના ગ્રહયોગો જોતાં તેજીનો અણસાર નથી જોવા મળતો. માટે આ સપ્તાહની શરૂઆતથી બંને કિંમતી ધાતુમાં પણ વેચીને વેપાર કરનારને લાભ મળી શકે છે. આ સપ્તાહના શરૂઆતના દિવસથી જે બજાર જોઇને મંદીનો વેપાર સોના-ચાંદીમાં ગોઠવતા જવો પણ દરેક ભાવે વેચી શકાય તેવી રીતે વેપાર કરવો. આ દિવસોમાં ચાંદીમાં વેચવાલી વધુ આવી શકે એવા યોગો હોવાથી ચાંદી વેચાણ વધુ કરવું હિતાવહ છે. સપ્તાહના મધ્યના દિવસોમાં બજારમાં નરમાઇની ચાલ હોવાથી વેચવાલી આવી શકે છે. આ દિવસોમાં ફોરેનમાં માંગ ન નીકળતા સ્થાનિક બજારમાં મોટી અને ઝડપી વેચવાલી જોવા મળી શકે છે. સોના-ચાંદીમાં સપ્તાહના અંતિમ દિવસોમાં પણ બજાર સ્ટેડી અથવા સાંકડી વધઘટ બતાવીશ કે છે. પણ મિત્રો, ધ્યાન નરમ રાખી વેપાર કરવો. આ દિવસોમાં પણ એકાદ સારી વેચવાલી જોવા મળી
શકે છે.
આ સપ્તાહમાં ઇન્ટરનેશનલ બજારમાં માગ ન નીકળતા અથવા ફોરેન બજારમાં વેચવાલી આવતાં સ્થાનિક બજારમાં પણ નરમ ભાવ જોવા મળી શકે.
ક્રૂડ ઓઇલ ઃ આ સપ્તાહના ગ્રહયોગો જોતા ક્રૂડ ઓઇલમાં મજબૂતી ભાવમાં બતાવી શકે છે. આ સપ્તાહની શરૂઆતના દિવસથી જ ક્રૂડ ઓઇલમાં સ્ટોક કરવો હિતાવહ છે. સપ્તાહની શરૂઆતના દિવસથી બજારમાં ભાવ જોઇને સ્ટોક દરેક ભાવે કરી શકાય તેવી રીતે વેપાર ગોઠવવો લાભદાયી રહે. શરૂઆતના દિવસોમાં સપ્તાહના મધ્યના દિવસો સુધી સ્ટોક વધારી શકો છો. સપ્તાહના મધ્યના દિવસોમાં એકાદ દિવસ સામાન્ય નરમાઇ કે સાંકડી વધઘટ જોવા મળે છે. પણ ધ્યાન મજબૂત રાખી વેપાર કરવો. સપ્તાહના અંતિમ દિવસોમાં પણ બજારમાં નવી માગ નીકળતાં મજબૂત બજાર રહી શકે છે. ફોરેન માર્કેટમાં બજારમાં સારી તેજીનો ઉછાળો આવતાં સ્થાનિક બજારમાં મજબૂત ભાવ રહે.
એકંદરે ક્રૂડ ઓઇલમાં નવી માંગ નીકળતા અને ફોરેન બજારની નવી ખરીદી નીકળતા બજારમાં મજબૂત ભાવ જોવા મળી શકે છે.
એરંડા, તેલ, તેલીબિયાં ઃ આ સપ્તાહમાં તેલ, તેલીબિયાં અને એરંડામાં નવી ખરીદી નીકળતાં મજબૂત ભાવ જોવા મલી શકે છે. આ સપ્તાહમાં શરૂઆતના દિવસથી જ મજબૂત ધ્યાન રાખી સ્ટોક કરતા જવો લાભદાયી રહી શકે છે. સપ્તાહની શરૂઆતના દિવસથી જ દરેક ભાવે સ્ટોક કરી શકીએ એવી રીતે વેપાર કરવો. સપ્તાહના મધ્યના દિવસો સુધી સ્ટોક વધારી શકાય. સપ્તાહના મધ્યમાં નફારૂપી વેચવાલી આવી શકે છે. માટે નફો બજાર જોઇને કરતા રહેવો. પણ આ દિવસોમાં પણ મંદીનો વેપાર કરવો નહીં. સપ્તાહના અંતિમ દિવસોમાં પણ તેલ, તેલીબિયાં, એરંડામાં મજબૂતી ના જ યોગો હોવાથી સ્ટોક કરીને જ વેપાર કરવો લાભદાયી રહી શકે છે.