સુરત / વાવાઝોડાના એલર્ટ વચ્ચે શહેરમાં ધીમી ધારે વરસાદ

રાજ્યમાં વાવાઝોડાની આફત તોળાઇ રહી છે, સૌરાષ્ટ્રમાં વાવાઝોડાના એલર્ટને લઇ તંત્ર સતર્ક બન્યું છે. જ્યારે મુંબઇમાં વરસાદ બાદ સુરતમાં પણ મેઘરાજાનું આગમન થઇ ચુક્યું છે. આગ વરસાવતી ગરમી વચ્ચે મેઘરાજાએ માઝા મુકતા લોકોમાં આનંદ છવાઇ ગયો છે.

તો અમદાવાદના વાતાવરણમાં પણ પલટો આવ્યો છે. આકાશમાં સવારથી વાદળો ઘેરાયેલા છે. ત્યારે સંભવિત વાવાઝોડાની અસર અમદાવાદમાં પણ દેખાઇ રહી છે. આજે અમદાવાદમાં તાપમાનમાં ઘટાડો થાય તેવી શક્યતા છે. એટલે કે આજે અમદાવાદવાસીઓને ગરમીમાંથી થોડી રાહત મળે તેવી શક્યતા છે.