હંગામો / અમેરિકામાં પાક. PM ઈમરાન ખાનનો વિરોધ, વોશિંગ્ટનની સભામાં બલૂચિસ્તાનની આઝાદીના નારા લાગ્યા

ઇમરાન ખાનની રેલી દરમિયાન બલૂચિસ્તાનની આઝાદીના સૂત્રોચ્ચાર પણ લગાવામાં આવ્યાં. જેને લઇને સુરક્ષાબળોએ તેમને બહાર કરી દીધા. પાકિસ્તાનના વડાપ્રધાન ઇમરાન ખાન હાલ  અમેરિકાના પ્રવાસ છે. આ દરમિયાન ઇમરાન ખાને વોશિંગ્ટન ડીસીમાં પાકિસ્તાન સમુદાયના લોકોને સંબોધન કર્યું હતુ.

આ સંબોધનમાં બલૂચ પ્રદર્શનકારીઓએ તેમનો વિરોધ કર્યો અને બલૂચિસ્તાનની આઝાદીના નારા લગાવ્યા. આ કાર્યક્રમમાં પાકિસ્તાન પીએમ ઇમરાન ખાન વિરુદ્ધ બલૂચ પ્રદર્શનકારીઓએ સૂત્રોચ્ચાર કર્યા હતા.

પાકિસ્તાનના પીએમ ઇમરાન ખાનના સંબોધન દરમિયાન બલૂચ કાર્યકર્તા દ્વારા પાકિસ્તાન સરકાર દ્વારા બલૂચિસ્તાનમાં બલૂચ લોકો સાથે કરવામાં આવી રહેલા અત્યાચારનો વિરોધ કરી રહ્યાં હતા. ત્યારબાદ બલૂચ લોકોએ પાકિસ્તાન સરકાર તેમજ પીએમ ઇમરાન ખાન વિરુધ્ધ સૂત્રોચ્ચાર પણ કર્યાં.