લાઇફસ્ટાઇલ / શું તમને પણ રાત્રે ઊંઘ નથી આવતી, તો બદલો આ આદતો! તરત જ આવી જશે ઊંઘ

• રાત્રે ઉઠીને ના ખાઓ 
• સાંજના સમયે ચા-કોફી પીવાનું ટાળો
• સૂતા પહેલા ગેજેટ્સથી દૂર રહો

શરીરને સ્વસ્થ્ય રાખવા માટે ઊંઘ ખૂબ જ જરુરી છે. જો તમારી ઊંઘ પૂરી ન થાય તો અનેક બીમારીઓ શરીરમાં ઉત્પન્ન થઇ શકે છે. ઘણા લોકો છે જેમને રાત્રે ઊંઘ ના આવવાની સમસ્યા છે, ઊંઘ ના આવવા પાછળ અનેક કારણો હોઇ શકે છે. રાત્રે સારી ઊંઘ મેળવવા માટે તમારી લાઇફસ્ટાઇ અને ડાયેટ મહત્વનો ભાગ ભજવે છે. હેલ્થ એક્સપર્ટનુ કહેવુ છે કે, ખાવા-પીવાની આદત આપણી ઊંઘ પર અસર કરે છે. તેવામાં તમારી એવી આદતો વિશે જાણીએ જે તમે છોડો તો તમને શાંતિની ઊંઘ મળી શકે છે. આવો તો તેના વિશે વિગતે જાણીએ...

મેલાટોનિન વધારા ખાઓ આ વસ્તુઃ 
ઊંઘ આવવા માટે શરીરમાં મેલાટોનિન નામનુ હોર્મોન ખૂબ જ જરુરી માનવામાં આવે છે. તેવામાં જરુરી છે કે તમે રાતના સમયે એવી વસ્તુઓનું સેવન કરો જે મેલાટોનિન હોર્મોનને સિક્રીશનમાં મદદ કરી શકે. જો કોઇ સુતા પહેલા આ વસ્તુ જેમાં પોર્ટેશિયમ, મેગ્નેશિયમ, કેલ્શિયમ હોય છે. તેવી વસ્તુનું સેવન કરવાથી ઊંઘ આવવામાં મદદ મળે છે. સૂતા પહેલા કેળુ, અખરોટ, બદામ અથવા દૂધનું સેવન કરો. કેલ્શિયમ શરીર અને મસલ્સને રિલેક્સ કરે છે તથા ટ્રિપ્ટોફેન હોર્મોનને ઊંઘ વધારવાની મદદ કરનારા હોર્મોન મેલાટોનિનમાં બદલવામાં મદદ કરે છે. 

રાત્રે ઉઠીને ના ખાઓઃ 
ઘણા લોકોને રાતે ઉઠીને ખાવાની ક્રેવિંગ થતી હોય છે. પરંતુ ત્યાર બાદ ફરી ઊંઘ આવવામાં ખૂબ જ મુશ્કેલીનો સામનો કરવો પડે છે. અડધી રાત્રે ઉઠીને ખાવાથી ઊંઘમાં તકલીફ પડે છે સાથે જ વજન પણ વધે છે. તેથી બની શકે તો રાત્રે ઉઠીને ના ખાઓ. જો બહુ જ ભુખ હોય તો દૂધ પી શકાય. 

સુતા પહેલા દૂધ પીઓઃ 
ટ્રિપ્ટોફેન અને મેલાટોનિન દૂધના મુખ્ય ઘટક છે જે ઊંઘ લાવવામાં મદદ કરે છે. સેરોટોનિન હોર્મોન મૂડમાં સુધારો કરે છે. ઊંઘને વધારે છે. ત્યાં જ મોલાટોનિન હોર્મોનના સંશ્લેષણનું કાર્ય કરે છે. દૂધ પીધા બાદ તમારુ મગજ મેલાટોનિન હોર્મોનને રિલીઝ કરે છે. તેને સ્લીપ હોર્મોનના નામથી ઓળખવામાં આવે છે. જો તમે રાત્રે સારી ઊંઘ ઇચ્છો છો તો રોજ સુતા પહેલા એક ગ્લાસ દૂધનું સેવન કરો.  

સાંજે ચાના બદલે આ વસ્તુઓનું સેવન કરોઃ 
ડ્રાયફ્રૂટ્સ(નટ્સ) આપણા સ્વાસ્થ્ય માટે ખૂબ જ ફાયદાકારક માનવામાં આવે છે. તેમાં અનેક પ્રકારના વિટામિન્સ, મિનરલ્સ રહેલા છે. જેનાથી ડાયાબિટીસ અને હૃદય સંબંધિત બીમારીઓનો ભયને ઘટાડી શકાય છે. નટ્સનું સેવન કરવાથી ઊંઘની ક્વોલિટીને બુસ્ટ કરી શકાય છે, કારણ કે આ મેલાટોનિનનો શ્રેષ્ઠ સોર્સ છે. ત્યાં જ ચા કે કોફીમાં કેફીનની માત્રા વધારે હોય છે જે તમને એક્ટિવ રાખવામાં અને ઊંઘ ભગાડવામાં મદદ કરે છે. 

ગેજેટ્સથી દૂર રહોઃ 
ગેજેટ્સનો પ્રકાશ તમારા સ્લીપ હોર્મોનને સિક્રીશનમાં નળતર ઉભી કરી શકે છે. એક્સપર્ટ અનુસાર, સ્ક્રીનથી દૂર રહેવાથી મેલાટોનિન હોર્મોનના સિક્રીશનમાં મદદ કરે છે. તેવામાં જરુરી છે કે સૂતાના એક કલાક પહેલા ફોન, લેપટોપથી દૂર રહો.