આજકાલ ગરમીથી બચવા લોકો એસીનો ઉપયોગ કરે છે, પરંતુ એસીની ઠંડી હવા તમને બીમાર કરી શકે છે, તો ચાલો જાણીએ આ બીમારીઓથી બચવાના ઉપાયો
એસીમાં સુવાની આદત નોતરે છે બીમારીઓ
વધુ પડતું એસી તમારા સ્વાસ્થ માટે હાનીકારક
એસીનાં લીધે માથાનો દુખાવો, કળતર, શ્વાસ લેમમાં તકલીફ જેવી બીમારીઓ
આજકાલ લોકો ગરમીથી ખુબ પરેશાન છે. એપ્રિલથી લઈને જૂન સુધી સખત ગરમી જોવા મળે છે. ગરમીમાંથી મુક્તિ મેળવવા લોકો ઘણાં ઉપાયો અજમાવે છે. અને એ બધામાં સૌથી વધુ વપરાતો ઉપાય એટલે કુલર અને એસી. ભીષણ ગરમીમાં રાહત મેળવવા આપણે એસીની હવામાં રહીએ છીએ પરંતુ શું તમે જાણો છો એસીની આ ઠંડી હવા તમે બીમાર પાડી શકે છે.
એસીની સાઈડ ઈફેક્ટ
એસીની હવા આપણા સ્વાસ્થ માટે ખુબ જ હાનીકારક છે. અને હાલ એટલી ગરમી વધી રહી છે કે માણસો દિવસની સાથે રાત્રે પણ એસી ચલાવીને સુવે છે. આવી ગરમીમાં રાહત મેળવવા એસી એક બેસ્ટ ઉપાય છે પણ એ સાથે જ ઘણી પ્રકારની બીમારીઓ પણ આ એસીની હવા નોતરે છે. એસીમાં રહેતા લોકોને શરીરમાં કળતર, માથાનો દુખાવો, તાવ શરદી ઉધરસ, શ્વાસ લેવામાં તકલીફ કે પછી થાકનો અનુભવ થાય છે.
તો ચાલો આપણે આગળ જાણીએ કે કઈ રીતે આ બીમારીઓથી બચીને રહી શકીએ
તબિયત ખરાબ થવી
વધુ પડતા એસીમાં રહેવાથી તમને તાવ શરદી ઉધરસ કે માથાનો દુખાવો થઇ શકે છે. આ સમસ્યાથી બચવા માટે તમારે એસીને સતત ચાલુ રાખવા ને બદલે સમયાંતરે જ ચાલુ કરવું જોઈએ, વાતાવરણ ઠંડુ થઇ જતા એસીને બંધ કરી દેવું જોઈએ.
ચામડી શુષ્ક થવી
વધુ પડતા એસીમાં રહેવાથી તમારી ચામડી શુષ્ક પડી શકે છે. આ સમસ્યાથી બચવા માટે તમારે એસીના સીધા ફલોમાં લાંબા સમય સુધી બેસવું ન જોઈએ અને સ્કીનને મોઈસ્ચરાઈઝ કરવી.
શરીરમાં દર્દ
જો લાંબા સમય તમે એસીમાં એક જ જગ્યાએ બેસી રહેતા હોય તો તમારા શરીરમાં દુખાવાની સમસ્યા આવી શકે છે. આ સમસ્યાનાં નિવારણ માટે તમારે એસીનાં સીધા ફ્લો સામે બેસવું જોઈએ નહિ અને વચ્ચે બ્રેક લઈને થોડું ચાલવું જોઈએ.
શ્વાસ લેવામાં તકલીફ
ઘણી વાર એસીમાં રહેલ બેક્ટેરિયા અને વાઇરસનાં કારણે શ્વાસ લેવામાં તકલીફ જેવી બીમારીઓ જોવા મળી શકે છે. આવી બીમારીઓથી બચવા માટે નિયત સમયે એસીની સર્વિસ કરાવવી જોઈએ.
થાક લગાવો
એસી લગાવવાથી રૂમનું વેન્ટીલેશન પણ બંધ થઇ જાય છે અને બહારની તાજી હવા અંદર આવી શકતી નથી જેના કારણે તમને થાકનો અનુભવ થાય છે.