હેવાનીયત / થપ્પડ મારી, વાળ પકડીને ફેંકી, પછી છોકરીનાં મોં પર મારી લાતો, વીડિયો વાયરલ થતા જેલભેગો

• મધ્યપ્રદેશના રીવા જીલ્લામાં પોલીસે પ્રેમિકાને લગ્ન માટે પૂછીને માર માર્યો
• 24 વર્ષીય યુવકનો એક વીડિયો વાયરલ થયો
• પોલીસે આ કેસમાં આરોપી પંકજ ત્રિપાઠી વિરૂદ્ધ કેસ નોંધ્યો

મધ્યપ્રદેશના રીવા જીલ્લામાં પોલીસે પ્રેમિકાને લગ્ન માટે પૂછીને રસ્તામાં માર મારનાર પ્રેમીને પકડી લીધો છે. આ 24 વર્ષીય યુવકનો એક વીડિયો વાયરલ થયો છે. જેમાં તે તેની ગર્લફ્રેન્ડને મારતો જોવા મળ્યો હતો. આ પછી પોલીસે આ કેસમાં આરોપી પંકજ ત્રિપાઠી વિરૂદ્ધ કેસ નોંધ્યો હતો. બુધવારે પંકજ તેની પ્રેમિકાને માર માર્યો હતો. આ પછી આ છોકરી સાથેની લડાઈનો વીડિયો સોશિયલ મીડિયા પર વાયરલ થયો હતો.

પોલીસે સહઆરોપી બાદ મુખ્ય આરોપીને કસ્ટડીમાં લીધો
રીવા પોલીસ આ સંબંધમાં ટ્વિટ કર્યું હતું કે વાયરલ વીડિયોમાં ગુનો નોંધ્યા બાદ સહઆરોપીઓ બાદ મુખ્ય આરોપીઓને પણ કસ્ટડીમાં લીધો હતો. પોલીસ સબ ડિવિઝનલ ઓફિસર નવીન દુબેએ જણાવ્યું કે પ્રાથમિક માહિતી મુજબ આ યુવક મૌગંજ વિસ્તારના ખેરા ગામનો રહેવાસી છે. પોલીસે વધુમાં જણાવ્યું કે પીડિત યુવતી અને પંકજ રિલેશનશીપમાં હતા. ત્યારે અંદરો અંદરની તકરાર બાદ પંકજે યુવતીને માર માર્યો હતો. વાયરલ થયેલા વીડિયોમાં જોવા મળે છે કે આ 19 વર્ષની યુવતી યુવકને તેની સાથે લગ્ન કરવામું કહે છે. આ પછી યુવક ગુસ્સે થઈ જાય છે અને પછી યુવતીને લાતો મારે છે અને પછી તેના રહેરા પર થપ્પડ પણ મારે છે. પોલીસે કલમ 151 હેઠળ કેસ નોંધ્યા બાદ યુવકની ધરપકડ કરવામાં આવી હતી. યુવતીએ ફરિયાદ નોંધાવવાની ના પાડી હતી.

જોકે યુવતિ પર હુમલાનો વીડિયો વાયરલ થતાં તેમાં કલમ 323 સિવાયની કલમ ઉમેરવામાં આવી હતી. 19 વર્ષની યુવતીએ વીડિયો બનાવનાર અને તેને ફરતો કરનાર વ્યક્તિ વિરૂદ્ધ કેસ દાખલ કર્યો છે.

સ્થાનિકોએ બાદમાં પોલીસને જાણ કરી
રીવાના મૌગંજ પોલીસ સ્ટેશન વિસ્તારની આ ઘટના અંગે જણાવવામાં આવી રહ્યું છે કે યુવતી તેના પ્રેમી સાથે લગ્ન કરવાની જીદ કરી રહી હતી અને લગ્ન માટે સાથે જવાનું કહી રહી હતી.આનાથી ગુસ્સે થઈને પ્રેમીએ પહેલા પ્રેમિકાને જોરથી થપ્પડ મારી અને પછી તેને જમીન પર પટકાવી અને પગ વડે હુમલો કર્યો.આ લડાઈ દરમિયાન યુવતી બેહોશ થઈ ગઈ હતી.યુવતી લાંબા સમય સુધી રસ્તાના કિનારે બેભાન પડી રહી હતી.બાદમાં સ્થાનિક લોકોએ પોલીસને જાણ કરી હતી.પોલીસે ઘટનાસ્થળે પહોંચી યુવતીને સારવાર માટે હોસ્પિટલમાં દાખલ કરાવી હતી.