પોતાના કરિયરની અંતિમ વનડે મેચમાં પણ યોર્કર કિંગે શાનદાર ફોર્મ કર્યુ. મલિંગાના (3/38) ફોર્મ પર શ્રીલંકાએ બાંગ્લાદેશ વિરુદ્ઘ 91 રનથી જીત મેળવી. મલિંગાને આ શાનદાર જીત માટે 'મેન ઑફ ધ મેચ' બનાવવામાં આવ્યો.
Lasith Malinga, king of the yorker, bids farewell to ODI cricket 🖐️
— Cricket World Cup (@cricketworldcup) July 26, 2019
પોતાની છેલ્લી વનડે રમી રહેલા મલિંગાએ વનડે ક્રિકેટમાં ટીમ ઇન્ડિયાના દિગ્ગજ લેગ સ્પિનર અનિલ કુંબલને (338 વિકેટ) પાછળ છોડી દીધા. મલિંગાના નામે 339 વિકેટ છે અને તે વન ડે ક્રિકેટમાં સૌથી વધારે વિકેટ લેનારો 9મો અને શ્રીલંકાનો ત્રીજી બૉલર બની ગયો. મલિંગાએ 15 વર્ષ વનડે ઇન્ટરનેશનલ કરિયરમાં 226 વનડે મેચ રમીને આ ઉપલબ્ધિ મેળવી છે. આ યોર્કર માસ્ટરે મેચમાં 38 રન આપીને પોતાના નામે 3 વિકેટ કરી.
શ્રીલંકાએ પહેલા બેટિંગ કરતા 8 વિકેટના નુકસાન પર 314 રન કર્યા. કુશલ પરેરાએ 111 અને એન્જેલો મેથ્યૂઝે 48 રન કર્યા. જ્યારે ટાર્ગેટ પૂરો કરવા માટે આવેલી બાંગ્લાદેશની ટીમે 41.4 ઓવરમાં 223 રન જ કર્યા. શ્રીલંકા માટે મલિંગા સિવાય નુવાન પ્રદીપે 3 વિકેટ લીધી. જ્યારે ધનંજય ડી સિલ્વાએ 2 અને લાહિરૂ કુમારાએ 1 વિકેટ પોતાના નામે કરી. બાંગ્લાદેશ માટે મુશ્ફિકુર રહીમે 67 અને સબ્બીર રહેમાને 60 રનનુ યોગદાન કર્યુ. આ સાથે જ શ્રીલંકા 3 મેચની વનડે સીરિઝમાં 1-0થી આગળ છે.