સારા સમાચાર / ખેડૂતોમાં આનંદની લહેર, હવામાન વિભાગની આગાહી અનુસાર 48 કલાકમાં કેરળ પહોંચશે ચોમાસું

• દેશમાં ખેડૂતો માટે સારા સમાચાર
• 1 અને 2 જૂને શરૂ થશે ચોમાસુઃ હવામાન વિભાગ
• 48 કલાકમાં અરબીસમુદ્રમાં હળવુ દબાણ સર્જાતા કેરળ પહોંચશે ચોમાસુ

#JUSTIN Southwest #Monsoon2020 finally arrived on the mainland of India, #Monsoon arrived on Kerala before the actual onset date. All the onset conditions including rainfall, OLR value, wind speed, etc are met. Finally, the 4-month long festival begins for Indian. #HappyMonsoon

— SkymetWeather (@SkymetWeather) May 30, 2020

આ કારણે 48 કલાકમાં શરૂ થશે ચોમાસુ

અરબ સાગરમાં હળવા દબાણનું ક્ષેત્ર આગામી 48 કલાકમાં સક્રિય થવાની સંભાવના છે. જેના લીધે 1 જૂનના રોજ ગોવા, 2 જૂનના રોજ મુંબઈ અને મહારાષ્ટ્ર અને 3 જૂનના રોજ ગુજરાત સુધી પહોંચવામાં સંભાવના છે. જેના લીધે અહીં ચોમાસા પહેલાનો વરસાદ પડી શકે છે. હવામાન વિભાગે એપ્રિલમાં કહ્યું હતું કે આ વખતે ચોમાસુ સામાન્ય રહેશે. વિભાગના જણાવ્યા મુજબ, 96થી 100 ટકા વરસાદને સામાન્ય ચોમાસુ માનવામાં આવે છે. 

અડધાથી વધુ ખેતી સિંચાઈ માટે વરસાદ જરૂરી

અર્થવ્યવસ્થાનો મોટો હિસ્સો ખેતી પર આધારિત છે. દેશમાં અડધાથી વધુ ખેતી સિંચાઈ માટે વરસાદ પર નિર્ભર છે. ચોખા, મકાઈ, શેરડી, કપાસ અને સોયાબીન જેવા પાક માટે વરસાદ ખૂબ જ મહત્વનો છે. વરસાદના સમાચાર આવતાં જ ખેડૂતોમાં રાહતનો શ્વાસ લેવામાં આવી રહ્યો છે. 

દેશમાં વરસાદ ક્યારે ?

• આગામી 48 કલાકમાં ચોમાસુ પહોંચશે કેરળ.
• લક્ષદ્વીપમાં બે દિવસથી વરસાદ પડી રહ્યાંનો સ્કાયમેટનો દાવો.
• દક્ષિણ-પશ્ચિમ ચોમાસુ શનિવારથી માલદીવમાં સક્રિય.
• 1 જૂનના ગોવા, 2 જૂનના મુંબઈ પહોંચવાની સંભાવના.
• 3 જૂનના ગુજરાત સુધી પહોંચવાની સંભાવના. 
• દક્ષિણ-પૂર્વ અરબ સાગર તરફ આગળ વધી રહ્યું છે ચોમાસુ.
• શનિવારે ચોમાસુ કેરળમાં પ્રવેશી ચૂક્યાનો સ્કાયમેટનો દાવો.
• કેરળમાં 1 જૂન પછી ચોમાસાની અનૂકૂળ સ્થિતિ બનશે.
• અરબ સાગરમાં હળવા દબાણનું ક્ષેત્ર સક્રિય થવાની સંભાવના.
• ગુજરાતમાં સરેરાશથી વધુ વરસાદ પડશે.
• ઉત્તર અને પૂર્વના રાજ્યોમાં સરેરાશથી ઓછો વરસાદ.