સ્કોડાએ પર્ફોમન્સ રેડી ઑક્ટાવિયા RS 245 ઑટો એક્સપો 2020માં રજૂ કરી છે અને કંપનીએ જાહેરાત કરી છે કે આ કારનું બુકિંગ્સ 1 માર્ચ 2020થી શરૂ કરવામાં આવશે.
સ્કોડાની નવી સ્પીડ પર્ફોમન્સ કારનું બુકિંગ માત્ર ઑનલાઇન કરવામાં આવી શકે છે.
એના માટે બુકિંગની રકમ 1 લાખ રૂપિયા રાખવામાં આવી છે.
કંપનીની નવી કાર જૂની મૉડલ વાળી ઑક્ટાવિયા પર આધારિત છે જેની દિલ્હીમાં એક્સ શોરૂમ કિંમત 36 લાખ રૂપિયા રાખવામાં આવી છે. સ્કોડા ઑક્ટાવિયા RS 245 ભારતીય બજાર માટે સીમિત સંખ્યામાં ઉપલબ્ધ કરાવવામાં આવશે અને આ સીકેડી યૂનિટ કારની દેશમાં માત્ર 200 યૂનિટ જ વેચવામાં આવશે. આ કારણ છે કે કારની કિંમત સામાન્યથી વધારે છે.
સ્કોડા ઑક્ટાવિયા RS 245ની બજારમાં કોઇ સીધી હરિફાઇ નથી પરંતુ એની સરખામણી મર્સિડીઝ બેન્ઝ સી ક્લાસ, BMW 3 સીરિઝ, ઑડી A4 અને જેગુઆર XE જેવી ગાડીઓથી થશે. કારમાં 2.0 લીટર ટીએસાઇ પેટ્રોલ એન્જીન લગાવવામાં આવ્યું છે જે 242 બીએચપી પાવર અને 370 એનએમ પીક ટાર્ક જનરેટ કરવાની ક્ષમતા રાખે છે અને આ એન્જીનને કંપનીએ 7 સ્પીડ ડીએસજી ગિયરબૉક્સથી લેસ કરવામાં આવી છે. આ કાર માત્ર 6.6 સેકન્ડમાં જ 0-100 કિમી કલાકની ઝડપ પકડી લે છે અને એની ટૉપ સ્પીડ 250 કિમી/કલાક છે.
સ્કોડા ઑક્ટાવિયા RS 245ની કારમાં ઘણા ફેરફાર કરવામાં આવ્યા છે જેમાં સ્પોર્ટી લુક વાળા બંપર્સની સાથે મોટા એર ઇન્ટેક્સ, મોટા અલૉય વ્હીલ્સ અને રિયર બંપર પર ફૉકસ ડિફ્યૂઝર એને ખૂબ આકર્ષક સેડાન બનાવે છે. કારને નીચા ગ્રાઉન્ડ ક્લિયરન્સ, ચોંટે એવા પર્ફોમન્સ ટાયર્સ અને ઑલ બ્લેક કેબિનની સાથે રજૂ કરવામાં આવી છે. ઑક્ટાવિયા RS 245ની સ્ટીયરિંગને નવી ફ્લેટ-બૉટમ યૂનિટથી બદલવામાં આવી છે, કારની આગળની સીટ વધારે સ્પોર્ટી થઇ ગઇ છે. ફીચર્સની વાત કરીએ તો કારમાં વર્ચુઅલ કૉકપિટ અને અપડેટેડ ઇન્ફોટેનમેન્ટ સિસ્ટમની સાથે ઘણા વધારે ફીચર્સ આપવામાં આવે છે.