લખીમપુર ખીરી / આ એક કારણથી યોગેન્દ્ર યાદવને સંયુક્ત કિસાન મોર્ચાએ 1 મહિના માટે કરી દીધા સસ્પેન્ડ

• યોગેન્દ્ર યાદવ સંયુક્ત કિસાન મોર્ચાનું એક્શન
• યોગેન્દ્ર યાદવ 1 મહિના માટે કર્યા સસ્પેન્ડ
• મૃતક ભાજપ કાર્યકર્તા શુભમ મિશ્રાના પરિવારને મળ્યા હતા

હાલમાં જ યોગેન્દ્ર યાદવ મૃતક ભાજપ કાર્યકર્તા શુભમ મિશ્રાના પરિવારને મળવા ગયા હતા. આ મુલાકાત બાદથી જ યોગેન્દ્ર યાદવનો ખેડૂતો દ્વારા વિરોધ થઇ રહ્યો હતો.

યોગેન્દ્ર યાદવ થયા સસ્પેન્ડ

માહિતી માટે જણાવી દઇએ કે, ભાજપ કાર્યકર્તા શુભમ મિશ્રાનું લખીમપુર હિંસા દરમિયાન મોત થઇ ગયું હતું. આ ઘટના બાદ જ યોગેન્દ્ર યાદવે તેમના પરિવાર સાથે મુલાકાત કરી હતી અને તેમને સંવેદના વ્યક્ત કરી હતી. તેમણે સોશિયલ મીડિયા પર તે મુલાકાતની પોતાની તસવીરો શેર કરી હતી.

शहीद किसान श्रद्धांजलि सभा से वापिसी में बीजेपी कार्यकर्ता शुभम मिश्रा के घर गए। परिवार ने हम पर गुस्सा नही किया। बस दुखी मन से सवाल पूछे: क्या हम किसान नहीं? हमारे बेटे का क्या कसूर था? आपके साथी ने एक्शन रिएक्शन वाली बात क्यों कही?
उनके सवाल कान में गूंज रहे हैं! pic.twitter.com/q0sYAT8gV6

— Yogendra Yadav (@_YogendraYadav) October 12, 2021

તે સમયે યોગેન્દ્ર યાદવે કહ્યું હતું કે, શહીદ કિસાન શ્રદ્ધાંજલિ સભાથી પરત ફરતા ભાજપ કાર્યકર્તા શુભમ મિશ્રાના ઘરે ગયા. પરિવારે અમારા પર ગુસ્સો ન કર્યો. બસ દુઃખી મનથી સવાલ પૂછ્યા, શું અમે ખેડૂત નથી? અમારા દીકરાનો શું વાંક હતો? પોતાના મિત્રએ એક્શન રિએક્શન વાળી વાત કેમ કહીં? તેમના સવાલ કાનમાં ગૂંજી રહ્યા છે!

શા માટે થઇ રહી છે કાર્યવાહી?

હવે તે મુલાકાત બાદથી જ યોગેન્દ્ર યાદવ વિરૂદ્ધ એક્શન લેવાની વાત થઇ રહી હતી. તેવામાં ગુરૂવારે સંયુક્ત કિસાન મોર્ચાએ પોતાની ઇન્ટરનલ મીટિંગ બોલાવી અને તે મીટિંગમાં આ મોટો નિર્ણય લેવાયો. હાલ માટે યોગેન્દ્ર યાદવને એક મહિના માટે સંયુક્ત કિસાન મોર્ચાએ સસ્પેન્ડ કરી દીધા છે. જણાવાય એમ પણ રહ્યું છે કે, યોગેન્દ્ર યાદવને માફી માંગવાનો મોકો આપવામાં આવ્યો હતો પરંતુ તેમણે જુકવાનો ઇન્કાર કરી દીધો અને તેમના વિરૂદ્ધ આ કાર્યવાહી થઇ ગઇ.

લખીમપુર હિંસા મામલો

લખીમપુર હિંસામાં 4 ખેડૂતોએ પોતાનો જીવ ગુમાવ્યો હતો. ત્યારે 3 ભાજપ કાર્યકર્તાઓ અને એક પત્રકારે પણ પોતાનો જીવ ગુમાવ્યો હતો. આ ઘટના બાદ આશીષ મિશ્રા, અંકિત દાસ, અને તેમના ડ્રાઇવર સહિત કેટલાક લોકોની ધરપકડ કરી લેવામાં આવી છે. SIT હજુ પણ આ કેસની તપાસ કરી રહ્યું છે.