સાવધાન! / તમને પણ હોય આવી કુટેવ, તો ચેતી જજો, થઈ શકે છે કિડની સાથે જોડાયેલી આ સમસ્યા

• કિડનીનું રાખો ધ્યાન
• વજન ઉતારવા ભૂખ્યા ન રહેશો
• સવારનો નાસ્તો-રાતનું ભોજન છે અગત્યનું 

વેઇટ લોસ માટે ડાયટના ચક્કરમાં લોકો એવી ઘણી વસ્તુઓ કરે છે જેનાથી શરીરને ફાયદો નહી પણ નુકસાન થાય.  ઘણા લોકો એવું પણ સમજે છે કે ભૂખ્યા રહેવાથી વજન ધટશે. પરંતુ ના, ભૂખને મારીને રહેવાથી વજન ઘટતુ નથી પરંતુ તમારી કિડનીને નુકસાન થાય છે. અને આ વાત સાચી પણ છે. એક રિસર્ચમાં સામે આવ્યું છે કે તમે નાસ્તો ન કરો અને રાત્રે જમો નહી તો તમને કિડનીની બીમારી થઇ શકે છે. આ રિસર્ચ 26હજાર રોગીઓ પર ચકાસવામાં આવ્યુ જેમાં તેઓની ઉંમર 40 વર્ષની હતી.

ત્યારે આવો જાણીએ કિડનીથી સંકળાયેલ પરેશાનીઓને કેવી રીતે તમે ઠીક કરશો. કઇ કઇ વસ્તુઓનું સેવન કરશો જેથી તમારી કિડની સારી રહે અને કિડનીમાં કોઇ રોગ ન થાય.

સફરજન

સફરજનમાં પેક્ટીન નામના દ્રાવ્ય ફાઇબરની સારી માત્રા હોય છે જે કિડનીને નુકસાન થવાના જોખમને ઘટાડવામાં મદદ કરે છે અને તમારા શરીરમાં કોલેસ્ટ્રોલનું સ્તર ઘટાડવામાં પણ મદદ કરે છે. સફરજન એન્ટીઑકિસડન્ટોના ઉચ્ચ સ્ત્રોત પણ છે જે તમારા મગજના કોષોને સુરક્ષિત કરવામાં મદદ કરે છે.

માછલી

માછલીમાં જોવા મળતા ઓમેગા-3 ફેટી એસિડ તમારા લોહીની ચરબીના સ્તરને નિયંત્રણમાં રાખવા અને તમારા બ્લડ પ્રેશરનું સ્તર ઓછું રાખવા માટે જરૂરી છે. તે કિડનીની સમસ્યાઓના જોખમને ઘટાડવામાં મદદ કરે છે કારણ કે હાઈ બ્લડ પ્રેશર કિડનીની નિષ્ફળતાના મુખ્ય કારણોમાંનું એક છે.

પાણી

નિઃશંકપણે પાણી એ સૌથી મહત્વપૂર્ણ પીણાંમાંનું એક છે. તે કિડનીને પેશાબ દ્વારા શરીરમાંથી ઝેરી તત્વોને બહાર કાઢવામાં મદદ કરે છે. સરેરાશ વ્યક્તિએ દરરોજ 3.7 લિટર પાણી પીવું જોઈએ.

ઇંડા 

ઈંડાની સફેદીમાં સારી માત્રામાં કિડની ફ્રેન્ડલી પ્રોટીન હોય છે જે તેને તમારી કિડની માટે વધુ સારું બનાવે છે. તે લોકો માટે પણ મહત્વપૂર્ણ છે જેમને કિડનીની બીમારી નથી.

શક્કરિયા

શક્કરિયામાં પોટેશિયમ હોય છે જે તમારા શરીરમાં સોડિયમનું સ્તર ઘટાડવામાં મદદ કરે છે અને કિડનીને નુકસાન થવાનું જોખમ ઘટાડે છે. જો કે, ક્રોનિક કિડની ડિસીઝ ધરાવતા લોકોએ તેમને ટાળવું જોઈએ.