દરેક મહિલા સ્કિનને લઈને ઘણી જ પ્રોટેક્ટિવ હોય છે. ગ્લોઈંગ અને સુંદર સ્કિન મેળવવા માટે અલગ-અલગ બ્યૂટી પ્રોડક્ટ્સનો ઉપયોગ કરે છે પરંતુ જાણતા-અજાણતા જ કેટલીક એવી ભૂલો પણ કરી બેસે છે જેનાથી નાની ઉંમરમાં સ્કિનને ખરાબ અસર થવા લાગે છે અને સ્કિન ઘરડાં જેવી દેખાવા લાગે છે. જેથી આજે અમે તમને ડેઈલી રૂટીનમાં થતી કેટલીક ભૂલો વિશે જણાવીશું, જેનાથી સ્કિન ખરાબ થાય છે.
સ્કિનકેર રૂટીનમાં આવી બેદરકારી પડે છે ભારે
બ્યૂટી પ્રોડક્ટ્સ ખરીદતી વખતે રાખો આટલું ધ્યાન
નાની ઉંમરમાં ઘરડા જેવા ન દેખાવું હોય તો આ ટિપ્સ યાદ રાખો
ભોજનથી જોડાયેલી ભૂલો કરવાથી શરીરની સાથે સ્કિન પર પણ ખરાબ અસર થાય છે. જો તમે ડાયટમાં પૌષ્ટિક વસ્તુઓનો સેવન નથી કરતા અને જંક ફૂડ, તળેલાં ફૂડ્સ વધુ ખાઓ છો તો તમારી સ્કિન પર તેની ખરાબ અસર થાય છે. જેથી નાની ઉંમરમાં ઘરડા જેવું ન દેખાવું હો તો આ બાબતોનું ખાસ ધ્યાન રાખો. પૂરતા પ્રમાણમાં પાણી પીવો. બહારનો ખોરાક અને જંક ફૂડ ખાવાનું અવોઈડ કરો અને ડાયટ પર ખાસ ધ્યાન આપો.
ચેક કર્યા વિના પ્રોડક્ટ્સ ખરીદવા
જો તમે કોઈપણ બ્યૂટી પ્રોડક્ટ્સ તેમાં રહેલાં ઈન્ગ્રિડિયન્ટ્સ અને એક્સપાયરી ડેટ ચેક કર્યા વિના ખરીદો છો તો તેનાથી તમારી સ્કિન ખરાબ થઈ શકે છે. કોઈપણ સારાં અને મોંઘા પ્રોડક્ટ્સ તમે ખરીદો તેમાં રહેલાં ઈન્ગ્રિડિયન્ટ્સ અને તેની એક્સપાયરી ડેટ અવશ્ય ચેક કરો, જેથી તે તમારી સ્કિનને ડેમેજ ન કરી શકે.
ડેઈલી ક્લીઝિંગ ન કરવું
સ્કિનને ક્લિન રાખવી ખૂબ જ જરૂરી છે. પણ ઘણી મહિલાઓ આળસને કારણે સ્કિનનું પ્રોપર ક્લીઝિંગ કરતી નથી, જેના કારણે સ્કિનને ભયંકર ખરાબ અસર થાય છે. રોજ સવારે અને સાંજે બેવાર સારાં ફેસવોશથી ફેસ વોશ કરવો જોઈએ. રોજ રાતે મેકઅપ રિમૂવ કરીને જ સૂવું. રાતે ક્લીઝિંગ કરીને સૂવાથી સ્કિન પર રહેલું ડર્ટ અને ડેડ સેલ્સ દૂર થઈ જાય છે અને સ્કિન ફ્રેશ અને ગ્લોઈંગ દેખાય છે.
મોઈશ્ચરાઈઝરનો ઉપયોગ ન કરવો
તમારી સ્કિન ગમે તે ટાઈપની હોય અને ગમે તે સીઝન હોય હમેશાં મોઈશ્ચરાઈઝરનો ઉપયોગ કરવો જોઈએ. સ્કિનનું મોઈશ્ચર જાળવી રાખવા અને સ્કિનને નરીશ કરવા આ સ્ટેપ બહુ જ જરૂરી છે. તેને ભૂલ્યા વિના ડેઈલી કરવું જ જોઈએ. કોઈ સારી કંપનીના મોઈશ્ચરાઈઝરનો ઉપયોગ કરો. તેનાથી ડ્રાઈ અને ડલ સ્કિનથી રાહત મળશે અને સ્કિન સ્મૂધ, ગ્લોઈગ અને શાઈની બનશે.