દરેકના રસોડામાં એક એવી જોરદાર વસ્તુ હાજર હોય છે જે સ્કિન માટે વરદાન સમાન માનવામાં આવે છે. આ વસ્તુ સ્કિનની દરેક સમસ્યામાં કામ કરે છે અને રિઝલ્ટ આપે છે. આ વસ્તુ છે ઘરની તાજી મલાઈ. ઘરની મલાઈ અનેક રીતે ઉપયોગ કરી શકાય છે. સ્કિન માટે મલાઈનો ઉપયોગ કરી શકો છો. પોષક તત્વોથી ભરપૂર મલાઈ રંગ નિખારવાની સાથે સ્કિનની અન્ય સમસ્યાઓ પિંપલ્સ, રિંકલ્સ પણ દૂર કરવામાં મદદ કરે છે.
મલાઈ સ્કિન માટે છે વરદાન સમાન
સ્કિનની દરેક સમસ્યા કરશે દૂર
આ નેચરલ વસ્તુઓ સાથે કરો મલાઈનો ઉપયોગ
આમ તો ડાયરેક્ટ પણ મલાઈ લગાવી શકાય છે પણ જો વધુ ફાયદા મેળવવા હોય તો તેમાં કેટલીક વસ્તુઓ જેમ કે લીંબુનો રસ, ગુલાબજળ, દૂધ, હળદર અથવા તજનો પાઉડર પણ મિક્સ કરી શકો છો. એક્સપર્ટ મુજબ મલાઈને કોઈપણ રીતે લગાવો તેનાથી નુકસાન થતું નથી.
રંગ નિખારે છે
મલાઈમાં રહેલું લેક્ટિક એસિડ સ્કિનને ડી-ટેન કરે છે. જેનાથી ડાર્ક સ્કિનની પ્રોબ્લેમ દૂર થાય છે અને સ્કિન લાઈટ થવા લાગે છે. એટલું જ નહીં રોજ મલાઈ લગાવવાથી સ્કિન હેલ્ધી પણ રહે છે.
બેસ્ટ મોઈશ્ચરાઈઝર
મલાઈ સ્કિન માટે મોઈશ્ચરાઈઝરની જેમ કામ કરે છે. તેનાથી સ્કિન પર સર્ક્યુલર મોશનમાં મસાજ કરવાથી સ્કિનના ડેમેજ ટિશ્યૂ રિપેર થાય છે. વિન્ટર માટે પણ આ એક નેચરલ મોઈશ્ચરાઈઝરનું કામ કરે છે.
સ્કિનને ટાઈટ રાખવા
વધતી ઉંમરમાં એન્ટીએજિંગની સમસ્યા થવા લાગે છે પણ આજકાલ ખોટી લાઈફસ્ટાઈલને કારણે નાની ઉંમરમાં કરચલીઓ, ફાઈન લાઈન્સ થવા લાગે છે. જેના માટે એન્ટી એજિંગ ક્રીમની જગ્યાએ મલાઈનો ઉપયોગ કરો. તેના માટે 1 ચમચી મલાઈમાં 1 ચમચી ગુલાબજળ મિક્સ કરીને ફેસ પર લગાવી હળવા હાથે મસાજ કરો. પછી 10 મિનિટ પછી ફેસવોશ કરી લો. તમે એકલી મલાઈ પણ લગાવી શકો છો. સપ્તાહમાં 2વાર આ ઉપાય કરો.
ડાર્ક સર્કલ દૂર કરવા
હઠીલા ડાર્ક સર્કલ દૂર કરવા માટે મલાઈમાં લીંબુનો રસ મિક્સ કરીને આંખોની નીચે લગાવો. જ્યારે તે સૂકાય જાય એટલે ધોઈ લો. આ નિયમિત રીતે કરવાથી તમારી આ સમસ્યા ચોક્કસથી દૂર થઈ જશે.