ચોમાસામાં ઘણાં લોકોને સ્કિન અને વાળની સમસ્યાઓ હેરાન કરતી હોય છે. આ સીઝનમાં સ્કિન ડલ થવાની સાથે એલર્જી, હાઈપરપિગમેન્ટેશન અને ફ્રિઝી વાળની સમસ્યાઓ થાય છે. જો તમારે આ સમસ્યાઓથી બચવું હોય તો ઘરે જ કેટલાક બેસ્ટ ઉપાય કરી શકાય છે. જેનાથી તમને આ સીઝનમાં થતી સ્કિન અને વાળની સમસ્યાઓથી ચોક્કસ છુટકારો મળી જશે.
ખાસ ફેસ માસ્ક
ચોમાસા માટે સ્પેશિયલ ફેસ માસ્ક બનાવવા માટે 1 ચમચી ઓટ્સને એક ઈંડાના સફેદ ભાગમાં મિક્સ કરો, પછી તેમાં 1 ચમચી મધ અને 1 ચમચી દહીં પણ મિક્સ કરો. તમે ઈંડાની જગ્યાએ ગુલાબજળ અને ઓરેન્જ જ્યૂસનો ઉપયોગ પણ કરી શકો છો. આ માસ્કને ચહેરા પર લગાવી અડધાં કલાક બાદ ધોઈ લો. સપ્તાહમાં બેવાર તેનો ઉપયોગ કરો.
સ્કિન ટોનિક
1 વાટકીમાં રોજ ગુલાબજળ લઈને તેમાં કોટન પેડ્સ ડુબોડી ફ્રિઝમાં મૂકી દો. દિવસમાં 2-3વાર આનાથી જ સ્કિનને સાફ કરો. ગુલાબ સ્કિનને ફ્રેશ રાખે છે અને ટોનિકની ઠંડકથી ઓપન પોર્સ (છિદ્રો)ની સમસ્યા પણ દૂર થાય છે.
વાળ માટેની ટિપ્સ
ચોમાસામાં વાળના મૂળમાં લીંબુના રસમાં પાણી મિક્સ કરીને લગાવો. તેનાથી ડેન્ડ્રફ અને ફંગલ ઈન્ફેક્શનની સમસ્યા દૂર થાય છે. તમે લીંબુના રસમાં ગુલાબ જળ મિક્સ કરીને પણ લગાવી શકો છો.
વાળને સોફ્ટ રાખવા માટે
વાળને સોફ્ટ રાખવા માટે ચા પત્તીને પાણીમાં ઉકાળો. તેને ગાળીને ઠંડુ કરી લો. પછી તેમાં લીંબુનો રસ મિક્સ કરી શેમ્પૂ કર્યા બાદ આ પાણીથી વાળ ધુઓ.
આંખોને આપો આરામ
ગુલાબજળવાળા કોટન પેડને તમે આંખો પર પણ મૂકી શકો છો. તેનાથી આંખોનો થાક દૂર થાય છે. ત્યારબાદ આંખો ઠંડા પાણીથી ધોવાથી રિલીફ મળે છે. ઘણીવાર આંખો પર સોજા આવી જવાની સમસ્યા થાય છે. આ સમસ્યા માટે પહેલાં આંખોને ઠંડા પાણીથી ધુઓ અને પછી નવશેકા પાણીથી ધુઓ. આ પ્રોસેસ થોડીવાર ફોલો કરતાં રહો. આંખો પર આવેલાં સોજા દૂર થઈ જશે.