Holi 2020 / રંગમાં નહીં પડે ભંગ, હોળીની મસ્તી માણતા પહેલાં કરી લો આ 1 કામ

• રંગથી રમવા જતા પહેલાં કરો આ કામ
• સ્કીન અને હેર સંબંધી મુશ્કેલીઓમાંથી મળશે રાહત
• સરળતાથી રંગ ઉતારવા કરો આ કામ

સરસિયું અને નારિયેળનું તેલ

ઓફિસ અને સ્કૂલ્સમાં રજાઓ પડી ચૂકી છે. દરેક લોકો હોળીનો તહેવાર મનાવવાની તૈયારીઓ કરી ચૂક્યા છે. રંગ ખરીદતા તમે સાથે જ નારિયેળ તેલ અને સરસિયાનું તેલ ખરીદો અને સાથે જ વેસેલીન પણ. રમવા જતા પહેલાં શરીર પર સરસિયાના તેલની માલિશ કરી લો. જેથી તમારી ત્વચા પર તેલ રહેશે અને રંગ ઝડપથી અંદર જશે નહીં.

વાળની દેખરેખ

સરસિયાના તેલથી વાળને સારી રીતે માલિશ કરો. તેલ વાળમાં અને માથાની ત્વચા પર સારી રીતે રહેશે તો વાળ ડેમેજ થશે નહીં. સાથે જ રંગ રમી લીધા બાદ શેમ્પૂ કરશો તો વાળનું નેચરલ ઓઈલ અને મોઈશ્ચરાઈઝિંગ ડિસબેલેન્સ ન થાય.

આ રીતે લગાવો નારિયેળ તેલ

રંગથી રમીને આવ્યા બાદ નહાઈ લો અને પછી તમારી સ્કીન પર નારિયેળ તેલ લગાવી લો. હવે પછી સ્કીન પર મોઈશ્ચરાઈઝર લગાવવાની જરૂર રહેશે નહીં. નારિયેળ તેલથી સ્કીનને પોષણ મળે છે. જો ત્વચા પર રંગ રહી ગયો હોય તો ફરી વાર નહાતી સમયે તેને કાઢવામાં સરળતા રહેશે. સાથે જ કોઈ પ્રકારની એલર્જી કે ઈન્ફેક્શન તમને હેરાન કરી શકશે નહીં. 

નખની દેખરેખ

ધૂળેટીનો રંગ હાથ અને પગના નખમાં ભરાઈ જતો હોય છે. સેન્સેટિવ સ્કીનના લોકોને નખની આસપાસ બળતરા થાય છે અને ખંજવાળ આવવા લાગે છે. આ માટે નખ, આસપાસની જગ્યા એ વેસેલીન લગાવી લો. તેનાથી રંગ ફસાશે નહીં અને રંગ સ્કીનને ડેમેજ પણ કરશે નહીં. 

નહાતી સમયે અપનાવી લો આ ટિપ્સ

• રંગ રમ્યા પછી નહાતી વખતે વાળ પર બે વાર શેમ્પૂ લગાવો. આનાથી વાળનો રંગ પણ સાફ થશે અને તમે લગાવેલું વધારે સરસવનું તેલ પણ સાફ રહેશે.
• વાળમાં લગાવેલા સરસવનું તેલ વધુ શેમ્પૂના ઉપયોગથી થતા નુકસાન અને શુષ્કતાને કારણે વાળનું રક્ષણ કરશે. ઉપરાંત, રંગ લાંબા સમય સુધી વાળ અને માથાની ચામડી પર રહેશે નહીં.
• શેમ્પૂ બાદ કંડીશનરનો ઉપયોગ કરો. તેનાથી વાળને પોષણ મળશે અને કેમિકલના કારણે થનારી બળતરા, રેશિશથી રાહત મળશે.
•  
• એન્ટીબેક્ટેરિયલ સાબુનો ઉપયોગ કરો. ડેલી બ્યૂટી સોપથી નહાવાથી બે વાર સાબુ લગાવવીને રંગ સાફ કરવો પડે છે. 
• નહાઈ લીધા બાદ તરત જ નારિયેળ તેલ આખા શરીરે લગાવો. જેથી શરીરને સારું મોઈશ્ચરાઈઝ કરવાનો લાભ મળે અને પોષણ પણ મળે.