ખોટું થયું! / વિન્ટર ઓલિમ્પિક્સમાં ભયાનક ઠંડીમાં કારણે આ ખેલાડીનો પ્રાઇવેટ પાર્ટ થીજી ગયો, કહ્યું જિંદગીની સૌથી ખરાબ રેસ હતી

• ચીનમાં તાજેતરમાં બીજિંગમાં વિન્ટર ઓલિમ્પિક્સ યોજાઇ 
• રેમી લિન્ડહોમે 50 કિમી માસ સ્ટાર્ટ રેસમાં ભાગ લીધો હતો
• રેસ દરમિયાન તેનો પ્રાઈવેટ પાર્ટ ફ્રીઝ થઈ ગયો

બીજિંગમાં વિન્ટર ઓલિમ્પિક્સનું સમાપન 

ચીનમાં હાલમાં જ વિન્ટર ઓલિમ્પિકનું સમાપન થયું છે. દુનિયાભરના ખેલાડીઓ પોતાના ઘરે પરત ફર્યા છે. લાંબી સફર ઉતાર્યા બાદ તમામ ખેલાડીઓ તેમના દેશના મીડિયા અને તેમના સોશિયલ મીડિયા એકાઉન્ટ્સ સાથે બેઇજિંગમાં આયોજિત ગેમ્સનો અનુભવ શેર કરી રહ્યા છે. આ ઘટનામાં ફિનલેન્ડના એક સ્કીયરે એક એવો કિસ્સો શેર કર્યો છે કે લોકો તેમની મુશ્કેલીઓને સમજવાની સાથે ખડખડાટ હસતા પણ જોવા મળ્યા હતા. 

ભયંકર ઠંડીમાં વધી તકલીફ
વિન્ટર ઓલિમ્પિક્સ દરમિયાન ફિનિશ ક્રોસ-કંટ્રી સ્કીઅર રેમી લિન્ડહોમે 50 કિમી માસ સ્ટાર્ટ રેસમાં ભાગ લીધો હતો. તેણે પોતે જણાવ્યું કે રેસ દરમિયાન તેનો પ્રાઈવેટ પાર્ટ ફ્રીઝ થઈ ગયો હતો.એટલે કે ઠરી ગયો હતો. ખરાબ હવામાનને કારણે સંભવિત ખતરાને ઘટાડવા માટે 50 કિમીની રેસને ઘટાડીને 30 કિમી કરવામાં આવી હતી.

જીવનની સૌથી ખરાબ રેસ ગણાવી 
ઠંડી એટલી બધી હતી કે દરેક ઋતુમાં પોતાને ઢાળ્યા કે બચાવ્યા હોવાનો દાવો કરનારાઓ પણ દાંત કડકડડતા જોવા મળ્યા હતા. આવી સ્થિતિમાં, સાવચેતી રાખીને, આ રેસ એક કલાક મોડી શરૂ થઈ.

રેસ દરમિયાન તમામ ખેલાડીઓએ પોતાના કાન અને મોં ઢાંકેલા હતા. આ રેસ વિશે વાત કરતાં લિંડહોમે ફિનિશ મીડિયાને કહ્યું, 'તમે અંદાજ લગાવી શકો છો કે જ્યારે મેં રેસ પૂરી કરી ત્યારે શરીરનો કયો ભાગ થીજી ગયો હતો. તે મારી અત્યાર સુધીની સૌથી ખરાબ રમતની ઘટના હતી.

WINTER OLYMPICS : Finnish skier Remi Lindholm suffered ‘frozen penis’ during the men’s Olympic 50km race pic.twitter.com/dSdXpyON2F

— Thierry Nyann (@nyannthierry) February 21, 2022

અગાઉ થયું છે આવું 
એક સમાચારમાં પ્રકાશિત અહેવાલ અનુસાર, લિંડહોમે જણાવ્યું હતું કે તે રેસ પછી સીધા લોકરૂમમાં પહોંચ્યો હતો જ્યાં તેણે સૌથી પહેલા તેના પ્રાઇવેટ પાર્ટ પર હીટ પેક લગાવ્યું હતું. તેણે વધુમાં કહ્યું હતું કે રેસ પૂરી થયા બાદ જ્યારે તેનું શરીર ગરમ થવા લાગ્યું તો દુખાવો વધી ગયો. લિંડહોમને ગયા વર્ષે પણ આવી જ પરિસ્થિતિનો સામનો કરવો પડ્યો હતો.
ત્યારે ફિનલેન્ડમાં જ આયોજિત સ્પર્ધા દરમિયાન તેનો પ્રાઈવેટ પાર્ટ ફ્રીઝ થઈ ગયો હતો. અત્યારે વિન્ટર ઓલિમ્પિકના પરિણામોની વાત કરીએ તો અહીં રેમી લિંડહોમ એક કલાક 15 મિનિટ અને 55.6 સેકન્ડના સમય સાથે 28મું સ્થાન ધરાવે છે.