માતા પિતા માટે તેમના બાળકો 50 વર્ષના થાય તો પણ બાળક જ રહે છે, મોટી ઉંમરમાં જો તેમના બાળકને કંઇ થાય તો તે પરેશાન થાઇ જાય છે જ્યારે ફેમસ ટીકટોક સ્ટાર સિયા કક્કર તો માત્ર 16 વર્ષની જ હતી. ગઇ કાલે તેણીએ તેના ઘરે ગળેફાંસો ખાઇને આત્મહત્યા કરી લીધી હતી. પોલિસે સિયાના ઘરે આવીને તપાસ કરી છે અને હાલ આત્મહત્યાનું કોઇ કારણ સામે આવ્યું નથી. પ્રાથમિક તપાસમાં તર્ક લગાવવામાં આવી રહ્યો છે કે સિયાને સોશ્યલ મિડીયા પર ધમકીઓ મળતી હતી.
સિયા સોશ્યલ મિડીયા પર કેટલી ફેમસ હતી તેનો અંદાજો તેના ફૉલોઅર્સ પરથી જ મળી શકે છે. તેના ઇન્સ્ટાગ્રામ પર એક લાખથી વધુ તેમજ ટીકટોક પર 11 લાખ જેટલા ફોલોઅર્સ છે. સૂત્રોના કહ્યાં મુજબ સિયાને સોશ્યલ મિડીયા પર ધમકીઓ મળી રહી હતી અને તે ડિપ્રેશનમાં હતી.
સિયાના રૂમમાંથી કે તેના પરિવારમાં કોઇ પાસે સ્યુસાઇડ નોટ નથી મળી માટે તે કહેવુ અઘરુ છે કે સિયાએ કેમ તેનુ જીવન ટૂંકાવ્યુ છે. સિયાની બોડી પોસ્ટમોર્ટમ માટે હોસ્પિટલ મોકલી દેવામાં આવી છે. તપાસનો દોર પોલિસે તેજ કર્યો છે.
છેલ્લા કેટલાક વર્ષોથી સિયા ડાન્સના વીડિયો બનાવતી હતી. ટીકટોક સિવાય તે યુટ્યુબ અને ઇન્સ્ટા પર પણ તેના વીડિયો અપલોડ કરતી હતી. તેણે તેના કામ માટે એક મેનેજર અર્જુન સિરીનને રાખ્યો હતો. સિયાના ફેન્સ પણ જાણવા ઇચ્છે છે કે તેણે આ પગલુ શા કારણથી ભર્યુ.
સુશાંત સિંહ રાજપૂતે કરેલી આત્મહત્યા બાદ એક પછી એક સેલેબ્સના મોતની ખબર આવી રહી છે.