મુંબઇઃ મહારાષ્ટ્રના બુલઢાણા જિલ્લાના પિંપલગાંમ સરાઇમાં બાળકના મોં પાસે સુતળી બોંબ ફૂટી જતા તેનું મોત નિપજ્યતું હતું. 6 વર્ષીય યશ ગવતે બપોરના સમયે ઘરની બહાર રેતીના ઢગલા પર રમી રહ્યો હતો. ત્યારે આ દુર્ઘટના બની હતી.
મળતી માહિતી અનુસાર યશ રમતા રમતા ઘરે આવ્યો અને માચિસ લઇને ફરી બહાર ગયો ત્યારે તેના પિતા ઘરમાં ભોજન કરી રહ્યા હતા. અચાનક થોડીવારમાં વિસ્ફોટનો અવાજ આવ્યો. યશના પિતા બહાર જઇને જોવે છે તો યશ લોહીથી લથબથ પડ્યો હતો.
ત્યારબાદ યશને નજીકની હોસ્પિટલમાં લઇ જવાયો પરંતુ ત્યાંથી તેમને બુલઢાણાની જનરલ હોસ્પિટલ લઇ જવાયો જ્યાં ડોક્ટરે તેમને મૃત જાહેર કર્યો હતો.
મૃતક યશના પિતા સંજય ગવતેએ જણાવ્યું કે મારો દીકરો 10 મિનીટ રમવા માટે બહાર ગયો હતો બોંબ તેને ક્યાંથી મળ્યો તે ખબર નહીં કદાચ મોં પાસે તે બોંબ ફૂટવાથી તે ઇજાગ્રસ્ત થયો.
મારી દુકાનદારો અને ફટાકડાના વેપારીઓને વિનંતી છે કે આવા ફટાકડા બાળકોને ન આપે અને માતા-પિતા પણ ફટાકડા માટે બાળકોને પૈસા ન આપે.
પોલીસે ફરિયાદ દાખલ કરી લીધી છે. આ વાતની તપાસ કરી રહી છે કે યશ પાસે સુતળી બોંબ ક્યાંથી આવ્યો આ ચાઇનીઝ બોંબ હતો કે પછી તેને કોઇ આપ્યો હતો તેની પણ તપાસ થઇ રહી છે.