નવી દિલ્હી: હવે તમારી મોટર ઈશ્યોરન્સ પોલિસીમાં સામેલ ઓન ડેમેજ કોમ્પોનેન્ટ એટલે કે તમને થનારા નુકસાનના કવરેજનો ભાગ અલગ જોવા મળશે. ઈશ્યોરન્સ રેગ્યુલેટર ઇરડાએ વાહન માલિકને થનારા નુકસાનને કવર કરનારા પોર્સનની સમીક્ષા માટે પબ્લિક કોમેન્ટ પ્રાપ્ત કરવા એક્સપોઝર ડ્રાફ્ટ જાહેર કર્યો છે.
ઈરડાએ વાહન માલિકના નુકસાનને કવર કરવા એક્સપોઝર ડ્રાફ્ટ જારી કર્યો
હવે મોટર ઈશ્યોરન્સ પોલિસીમાં 6 મહત્વના બદલાવ થઇ શકે છે, તેમાં પ્રીમિયમની ગણતરી માટે ટેલિમેટિક્સનો ઉપયોગ કરવાની ભલામણનો સ્વીકાર કરવામાં આવ્યો છે. તેથી પ્રીમિયમને કસ્ટમાઇઝ કરી શકાશે. આ ઉપરાંત પોલિસીમાં ડેપ્રેશિયેશન્સના નિયમો કસ્ટમર ફ્રેન્ડલી હશે.
તમામ પાર્ટ્સના ડેપ્રેશિયેશન્સ માટે સ્ટાન્ડર્ડ ગ્રીડની પ્રપોઝલ આપવામાં આવી છે. ઇરડાએ પ્રાઇવેટ કાર અને ટુ વ્હિલર્સ માટે નવી સમ એસ્યોર્ડ/ઈન્સ્યોર્ડ ડિક્લેર્ડ વેલ્યૂ (આઇડીવી) કેલ્ક્યુલેશનની રૂપરેખા તૈયાર કરી છે. આમ, હવે વીમીત રકમની ગણતરી અલગ રીતે કરવામાં આવશે. હવે તમારે ઇન્વોઇસ એડ ઓન નહીં લેવું પડે. આ બેઝ પોલિસીમાં સામેલ હશે. ઇરડાએ નો ક્લેમ બોનસ માટે સ્ટાન્ડર્ડ ગ્રીડનો પ્રસ્તાવ આપ્યો છે અને તેથી તેના સ્લેબ નક્કી કરવામાં આવશે. ગાડી ચોરાઇ જાય અથવા ટોટલ લોસના ક્લેમ માટે ઇન્સ્યોર્ડ પર્સને ગાડીનું રજિસ્ટ્રેશન રદ કરાવવું પડશે અને ત્યારબાદ જ ક્લેમ સેટલમેન્ટ થશે.