મુંબઇમાં શિવસેનાની દાદાગીરી સામે આવી છે. શિવસેનાના કાર્યકર્તાઓએ રિટાયર્ડ નેવી ઓફિસરને બેરહેમીથી માર માર્યાનો વીડિયા સામે આવ્યો છે. ઉદ્ધવ ઠાકરે પર બનાવાયેલા એક કાર્ટુનને પોતાના વોટ્સએપ પર મુકવા બદલ તેમની સાથે આવુ કૃત્ય કરવામાં આવ્યું છે.
નૌસેનાના પૂર્વ અધિકાર મદન શર્મા પર શિવેસેનાના કાર્યકરોનો હુમલો
પોલીસે શિવસેનાના 6 કાર્યકરોની કરી ધરપકડ
વોટ્સએપ પર મહારાષ્ટ્રને સીએમને લઇ શેર કર્યો હતો ફોટો
મહારાષ્ટ્રમાં મુખ્યમંત્રી ઉદ્ધવ ઠાકરે પર બનેલા એક કાર્ટુનને વોટ્સએપ પર મૂકવા અંગે શિવસેના કાર્યકર્તાઓએ એક રિટાયર્ડ નૌસેના અધિકારી મદન શર્મા સાથે મારપીટ કરી હતી. આ ઘટના સીસીટીવી કેમેરામાં કેદ થઈ હતી.
What's happening in Mumbai?
Shivsainiks beating a retd 🇮🇳 Indian Navy officer.
He was beaten black & blue just because he forwarded a WhatsApp post on CM Uddhav!!!
Imagine what they would have done to @KanganaTeam , if she was not given security by central govt.
ઘટના વિશે મદન શર્માએ કહ્યું કે, મેસેજ ફોરવર્ડ કર્યા બાદ મને ધમકીભર્યા ફોન આવવા લાગ્યા હતા. તેના બાદ શુક્રવારે 8 થી 10 લોકોએ મારા પર હુમલો કર્યો હતો. મેં આખી જિંદગી દેશની સેવા કરી છે. આ પ્રકારની સરકારને સત્તામાં રહેવાનો કોઈ અધિકાર નથી.
ત્યારે રાજ્યના પૂર્વ મુખ્યમંત્રી દેવેન્દ્ર ફડણવીસ સહિત ભાજપના અનેક નેતાઓએ સમગ્ર મામલામાં વિરોધ વ્યક્ત કર્યો હતો. તો અભિનેત્રી કંગના રનૌતે આ મામલે પણ પોતાની પ્રતિક્રીયા આપી હતી. કંગનાએ કહ્યું કે, મહારાષ્ટ્રમાં સરકારનો આતંક અને અત્યાચાર દિવસેને દિવસે વધી રહ્યો છે. મામલાને લઈને રિટાયર્ડ નેવી ઓફિસર શર્માએ સમતા નગર પોલીસ સ્ટેશનમાં 6 લોકોની સામે ફરિયાદ નોંધાવી છે. જેના બાદ કાર્યવાહી કરીને મોડી રાત સુધી સમતા નગર પોલીસે તમામ 6 લોકોની ધરપકડ કરી છે.