મુંબઈમાંથી એક વીડિયો સામે આવ્યો છે. જેમાં 6 છોકરાઓ એક જ સ્કૂટર પર બેસીને ફરી રહ્યા છે. પાંચ છોકરાઓ તો સ્કૂટરની સીટ પર જ બેઠા છે, અને છઠ્ઠા યુવકને જગ્યા ન મળી તો, પોતાના મિત્રના ખભ્ભે બેસી ગયો હતો.
મુંબઈમાંથી એક વીડિયો સામે આવ્યો
એક બાઈક પર 6 લોકો સવાર થઈને ફરતા હતા
ટ્રાફિક પોલીસ એક્શનમાં આવી
મુંબઈમાંથી એક વીડિયો સામે આવ્યો છે. જેમાં 6 છોકરાઓ એક જ સ્કૂટર પર બેસીને ફરી રહ્યા છે. પાંચ છોકરાઓ તો સ્કૂટરની સીટ પર જ બેઠા છે, અને છઠ્ઠા યુવકને જગ્યા ન મળી તો, પોતાના મિત્રના ખભ્ભે બેસી ગયો હતો. આ વાયરસ વીડિયો અંધેરીમાં સ્ટાર બજારની પાસે લિંક રોડનો હોવાનું કહેવાય છે. આ વીડિયોને કાર સવાર લોકોએ બનાવ્યો છે. આ વીડિયો સોશિયલ મીડિયા પર હાલ ચર્ચાનો વિષય બન્યો છે.
રમનદીપ સિંહ હોરા નામના એક યુઝર્સે રવિવારે ટ્વિટર પર આ વીડિયો શેર કર્યો હતો. તેમણે મુંબઈ પોલીસ કમિશ્નર અને મુંબઈ ટ્રાફિક પોલીસને આ વીડિયો ટૈગ કર્યો છે. આ વીડિયોમાં ઘણા લોકો કમેન્ટ કરતા પણ દેખાય છે. અને તેમના વિરુદ્ધ કાર્યવાહી કરવાની પણ માગ કરી રહ્યા છે. ઘણા લોકોએ તો લખ્યું છે કે, આ લોકો તો દુર્ઘટનાનો શિકાર થશે, પણ સાથે સાથે બીજા લોકોને પણ ઈજા પહોંચાડશે.
— Ramandeep Singh Hora (@HoraRamandeep) May 22, 2022
આ વીડિયો ટ્રાફિક સિગ્નલ પર બનાવવામાં આવ્યો છે. આ વીડિયોમાં જોઈ શકાય છે કે, સ્કૂટર પર 18-20 વર્ષની ઉંમરના 6 યુવાનો બેઠા છે. જે નિયમોની ધજ્જિયા ઉડાવી રહ્યા છે. તેમાંથી પાંચ લોકો તો જેમ તેમ કરીને સીટ પર બેઠા છે, પણ એકને જગ્યા ન મળતા દોસ્તના ખભ્ભા પર બેસી ગયો હતો.
મુંબઈ ટ્રાફિક પોલીસની નજરમા આ વીડિયો આવ્યો છે. ટ્વિટર પર મુંબઈ પોલીસે જણાવ્યું છે કે, આ સ્કૂટર પર સવાર લોકોની જાણકારી મેળવી રહ્યા છીએ. તેમણે આ વિસ્તારના પોલીસને પણ જાણ કરી છે. તેમની તપાસ ચાલુ થઈ ગઈ છે. આ છોકરાઓની જાણ થતાં જ ટ્રાફિક પોલીસ તેમના પર કાર્યવાહી કરશે.