કરુણાંતિકા / મધ્યપ્રદેશ બસ અકસ્માતમાં મૃતાંક પહોંચ્યો 51 પર, એક્સિડેન્ટ માટે જવાબદાર શખ્સ ઝડપાયો

• મધ્ય પ્રદેશની બસ દુર્ઘટનામાં કુલ મૃતકાંક 51 થયો 
• મોડી રાત્રે આ મામલે પોલીસે બસ ડ્રાઈવરની કરી ધરપકડ 
• સીએમ શિવરાજ સિંહ ચૌહાણે ઘટના સ્થળની મુલાકાત લીધી હતી

મંગળવાર રાત સુધીમાં 47 લોકોની ડેડબોડી મળી હતી, અને બુધવારે વધુ 4 લોકોની લાશ મળી હતી, જેમાં એક પાંચ મહિનાની છોકરીનું શવ પણ સામેલ હતું, જો કે હજુ પણ આ બસના ત્રણ મુસાફરોની કોઈ ભાળ મળી નથી, આ ત્રણ હજુ લાપતા છે. 

મુખ્યમંત્રી શિવરાજ સિંહ ઘટના સ્થળે પહોંચ્યા હતા 

નોંધનિય છે કે આ ઘટના પછી મધ્યપ્રદેશના સીએમ શિવરાજસિંહ ચૌહાણ સીધા ઘટના સ્થળે જ પહોંચ્યા હતા અને મૃતકોના આપ્તજનોને પોતાની સંવેદના પાઠવી હતી, આ સમયે એક પીડિત પરિવારે સીએમને અપીલ કરી હતી કે જો સડકજામ નહોત તો અમારા ઘરની મહિલાઓ અને બાળકો જીવિત હોત, જે મારી સાથે થયું તે બીજા સાથ ન થાય માટે મહેરબાની કરીને અહીં એક સડક બનાવડાવી આપો. 

પોલીસે બસ ડ્રાઇવરની કરી ધરપકડ 

પોલીસે રીવાના સિમરિયામાં રહેતા બસ ચાલક બાલેન્દ્ર વિશ્વકર્માની આ કેસમાં મોડી રાત્રે ધરપકડ કરી હતી. ડ્રાઈવરે પૂછપરછ દરમિયાન પોલીસને જણાવ્યું હતું કે આ અકસ્માતમાં તેનું એક ડ્રાઇવિંગ લાઇસન્સ વહી ગયું હતું જ્યારે કે બીજું લાઇસન્સ રીવામાં છે, અને વાહનના દસ્તાવેજો સતનામાં છે. આ પછી, બે ટીમો આ બંને જગ્યાએ આ ડોક્યુમેન્ટસને ક્લેક્ટ કરવા માટે મોકલી આપવામાં આવી હતી.

પોલીસ ડ્રાઇવર પાસેથી એ જાણવાની કોશિશ કરી રહી છે કે શું તે અગાઉ પણ બસને ઓવરલોડ કરીને ચલાવતો હતો કે કેમ? એએસપી અંજુલતા પટલેના જણાવ્યા અનુસાર, બસમાં કુલ 63 મુસાફરો હતા. અકસ્માત પૂર્વે આ ત્રણ મુસાફરો બસમાંથી નીચે ઉતર્યા હતા. તે જ સમયે, 60 માંથી છ મુસાફરોને બચાવી લેવાયા હતા.

ડ્રાઈવરે કહ્યું - બસ લપસી અને કેનાલમાં ચડી ગઈ

બસ ડ્રાઈવર બાલેંદુ કુશવાહાનો વીડિયો સોશિયલ મીડિયા પર વાયરલ થઈ રહ્યો છે. આમાં તે કહી રહ્યો છે કે ચાલતી બસમાં અચાનક અવાજ આવ્યો. આ પછી બસ લપસી ગઈ અને કેનાલમાં પડી ગઈ હતી. મેં કોઈક રીતે મારું જીવન બચાવી લીધું. મારી પાછળ એક છોકરી પણ હતી. તેણે બહાર નીકળવાનો પ્રયાસ પણ કર્યો. તે જ સમયે, ઉપરથી બે લોકોએ દોરડું ફેંક્યું હતું, જેનથી અમે બહાર નીકળી શક્યા હતા.