છત્તીસગઢ / નાનકડી વાતનો ઝઘડો થતાં છત્તીસગઢના પોલીસ કેમ્પમાં જવાને કરેલાં અંધાધુંધ ફાયરિંગમાં 6ના મોત

સૂત્રોને મળતી જાણકારી મુજબ નારાયણપુર જિલ્લાના મુખ્યાલયથી 60 કિમી દૂર કડેનાર ક્ષેત્રમાં ITBP ના જવાન નક્સલ પ્રભાવિત વિસ્તારમાં તહેનાત હતા. અહીં કેમ્પને લઇને કોઇ વાત પર અંદરોઅંદર વિવાદ એટલો બધો વધી ગયો કે તે લોકોએ સામ-સામે ફાયરિંગ શરૂ કરી દીધું. 

આ ઘટનાની પુષ્ટિ નારાયણપુર જિલ્લાના અધિક્ષક મોહિત ગર્ગે કરી છે. મોહિત ગર્ગે જણાવ્યું કે બુધવારના રોજ સવારે કેમ્પમાં જવાનો વચ્ચે અંદરો-અંદર થયેલા ફાયરિંગમાં છ જવાનના મોત નિપજ્યાં છે. જ્યારે અન્ય બે જવાન ગંભીર રીતે ઘાયલ થયા છે. ઘાયલ જવાનોને ઇલાજ માટે રાયપુરની હોસ્પિટલમાં ખસેડવામાં આવ્યાં છે.