અથડામણ / અરુણાચલ પ્રદેશમાં એન્કાઉન્ટરમાં 6 ઉગ્રવાદી ઠાર, ઘટના સ્થળેથી ચાઈનીઝ બનાવટના હથિયાર મળ્યા

•  4 એકે 47 રાઈફલ્સ અને 2 ચીની એમક્યૂ કબ્જે કરવામાં આવ્યા હતા
• અસમ રાઈફલ્સનો એક જવાન ઘાયલ થયો હતો.
• જાણકારીના આધારે આ સર્ચ ઓપરેશન હાથ ધરવામાં આવ્યુ હતુ

Jt team of Assam Rifles & Arunachal Pradesh Police conducted an early morning action today in Longding dist near Nginu village. 6 NSCN -IM armed cadre killed, 1 Assam Rifle personnel injured. 4 AK-47, 2 Chinese MQ recovered so far. Operation on: RP Upadhyaya,DGP Arunachal Pradesh pic.twitter.com/K1bW8zuTvO

— ANI (@ANI) July 11, 2020

મળતી માહિતી મુજબ અસમ રાઈફલ્સને ખાનગી માહિતી મળી હતી કે જનરલ વિસ્તારમાં ખોંસામાં નેશનલ સોશલિસ્ટ કાઉન્સિલ ઓફ નાગાલેન્ડ(એનએસસીએન-આઈએમ)ના કેટલાક ઉગ્રવાદી છુપાયેલા છે. આ જાણકારીના આધારે આ સર્ચ ઓપરેશન હાથ ધરવામાં આવ્યુ હતું. 

અસમ રાઈફલ્સ અને અરુણાચલ પ્રદેશ પોલીસની સાથે મળીને સવારે સમય લોંગડિંગ જિલ્લાનાએનગિનૂ ગામમાં સર્ચ ઓપરેશન કર્યુ હતુ. આ દરમિયાન ટીમ અને એનએસસીએન-આઈએમ ઉગ્રવાદીઓની વચ્ચે અથડામણ થઈ હતી.

આ એન્કાઉન્ટરમાં 6 ઉગ્રવાગીઓને ઠાર કરવામાં આવ્યા હતા. આ એન્કાઉન્ટરમાં અસમ રાઈફલ્સનો એક જવાન ઘાયલ થયો હતો. અથડામણ સવારે 4.30 વાગે થઈ હતી. ઘટના સ્થળ પરથી હથિયારોની સાથે યુદ્ધક જેવી સામગ્રી મળી આવી હતી.

અરુણાચલ  પ્રદેશના ડીજીપીએ જણાવ્યુ હતું કે એન્કાઉન્ટર બાદમાં સ્થળ પરથી 4 એકે 47 રાઈફલ્સ અને 2 ચીની એમક્યૂ કબ્જે કરવામાં આવ્યા હતા. હાલમાં સર્ચ ઓપરેશન ચાલુ છે.