આફ્રિકા / ચીલીમાં વિમાન દૂર્ઘટના, 6 લોકોનાં મોત, બચાવ રાહત અભિયાન હાથ ધરાયું

આફ્રિકાના ચિલીમાં વિમાન દુર્ઘટના સામે આવી છે. ચિલીમાં થયેલી વિમાન દુર્ઘટનામાં 6 લોકોનાં મોત  નીપજ્યા છે. જ્યારે દુર્ઘટનામાં કેટલાક લોકો ઈજાગ્રસ્ત થતા તેઓને સારવાર માટે ખસેડવામાં આવ્યા છે. તંત્ર દ્વારા દુર્ઘટના બાદ રાહત અને બચાવ અભિયાન પણ હાથ ધરવામાં આવ્યું છે. ટેકનીકલ ખામીના કારણે આ દુર્ઘટના સર્જાઈ હોવાનું હાલ પ્રાથમિક તારણ છે.

દક્ષિણી ચીલીના શહેર પ્યૂર્તો મૉન્ટના એક ઘર પર નાનું વિમાન દૂર્ઘટનાગ્રસ્ત થયું છે. આ દૂર્ઘટનામાં વિમાનમાં સવાર છ લોકોનાં મોત નિપજ્યાં છે.  અધિકારીઓના જણાવ્યા અનુસાર વિમાન દૂર્ઘટના લા પલોમા એરપોર્ટ નજીક  બની છે. એક અહેવાલ મુજબ વિમાનનો અડધો ભાગ ઘરની અંદર જોવા મળતો હતો.

ફાયર બ્રિગેડની ટીમ આગ બુઝાવવા ઘટનાસ્થળે પહોંચી. પ્યૂર્તો મૉન્ટના મેયર હેરી જુર્ગેન્સેનના જણાવ્યા અનુસાર વિમાને ઉડાન ભર્યા બાદ થોડા સમયમાં દૂર્ઘટનાગ્રસ્ત બન્યું. જેમાં પાયલટ સહિત પાંચ યાત્રીઓના મોત નિપજ્યાં છે.