મનોરંજન / લાલ સિંહ ચઢ્ઢાનાં છઠ્ઠા દિવસે પણ હાલ બેહાલ! આમિરની ફિલ્મે આજે માત્ર આટલા કરોડની જ કરી કમાણી, આખી ટીમ ટેન્શનમાં

• ફિલ્મ લાલ સિંહ ચઢ્ઢાએ છઠ્ઠા દિવસે કરી માત્ર 2 કરોડની કમાણી 
• લાલ સિંહ ચઢ્ઢાએ કુલ 48 કરોડનું કલેક્શન કર્યું 
• આમિર સહિત આખી ટીમ ટેન્શનમાં 

લાલ સિંહ ચઢ્ઢાનું બોક્સ ઓફિસ પર નિરાશાજનક પ્રદર્શન 

સુપરસ્ટાર આમિર ખાન તથા કરીના કપૂર ખાનની ફિલ્મ લાલ સિંહ ચઢ્ઢા 11 ઓગસ્ટ એટલે કે રક્ષાબંધનનાં દિવસે રિલીઝ થઈ ચૂકી છે. આઅ ફિલ્મથી ઘણી આશાઓ હતી પરંતુ ફિલ્મનું બોક્સ ઓફિસ કલેક્શન સતત નિરાશાજનક છે. એકવાર ફરી ફિલ્મનું કલેક્શન ખૂબ જ ખરાબ જોવા મળ્યું છે. જો આમ જ ચાલતું રહ્યું તો અમુક દિવસોમાં તો ફિલ્મ થિએટર પરથી ઉતરી પણ જશે. 

દરરોજ ઘટી રહ્યું છે કલેક્શન 
આમિર ખાન અને કરીના કપૂર ખાનની ફિલ્મ લાલ સિંહ ચઢ્ઢાએ સ્ટાર્સને વિચારતા કરી મૂક્યા છે. મીડિયા રિપોર્ટ્સ અનુસાર, લાલ સિંહ ચઢ્ઢા અત્યાર સુધી માત્ર 48 કરોડ રૂપિયાનું જ કલેક્શન કરી શકી છે. એટલે કે 6 દિવસમાં આમિરની ફિલ્મ 50 કરોડ રૂપિયાની કમાણી પણ કરી શકી નથી. મીડિયા રિપોર્ટ્સ અનુસાર, લાલ સિંહ ચઢ્ઢાએ મંગળવારે માત્ર 2 કરોડ રૂપિયાનું કલેક્શન કર્યું હતું, જેથી ફિલ્મની કમાણી 48 કરોડ રૂપિયા થઈ છે. 

#LaalSinghChaddha is rejected... #LSC *5-day* total is lower than *Day 1* total of #ThugsOfHindostan [₹ 50.75 cr; #Hindi version], do the math... Thu 11.70 cr [#RakshaBandhan], Fri 7.26 cr, Sat 9 cr, Sun 10 cr, Mon 7.87 cr [#IndependenceDay]. Total: ₹ 45.83 cr. #India biz. pic.twitter.com/b8myhVtaAF

— taran adarsh (@taran_adarsh) August 16, 2022

ફિલ્મનું ઓપનિંગ કલેક્શન 
લાલ સિંહ ચઢ્ઢાએ ઓપનિંગ ડે પર 11.50 કરોડ રૂપિયાનું કલેક્શન કર્યું હતું. બીજા દિવસે ફિલ્મનું કલેક્શન 7.25 કરોડ રૂપિયા રહ્યું હતું. જ્યારે આમિરની આઅ ફિલ્મનું ત્રીજા દિવસનું કલેક્શન કુલ 10 કરોડ રૂપિયા રહ્યું હતું. સ્વતંત્રતા દિવસના અવસર પર ફિલ્મ 8.50 કરોડ રૂપિયાનું કલેક્શન જ કરી શકી હતી.