સૌરાષ્ટ્ર અને ગુજરાતમાં હનીટ્રેપના બનાવો વધી રહ્યા છે, આવો જ એક બનાવ મોરબીમાં પણ બન્યો હતો. જેમાં એક વૃદ્ધને શિકાર બનાવવામાં આવ્યા હતા.
1 કરોડની માંગણી કરીને 22 લાખ રૂપિયા પડાવ્યા
તેના મોબાઇલમાં સ્ત્રી નજીક હોય તેવા ફોટો પડી લીધા હતા
રામજીભાઇને ખોપરી ફાડી નાખવાની ગર્ભીત ધમકી આપી હતી
વદ્ધના ફ્લેટ બની રહ્યા હતા ત્યાં આરોપી મિસ્ત્રી કામ કરતો હતો
મોરબીમાં એક બાદ એક હનીટ્રેપની ઘટનાઓ સામે આવી રહી છે. મોરબીના રવાપર રોડ ઉપર રહેતા વૃદ્ધ પાસે ફ્લેટ લેવાના બહાને બે મહિલો આવી હતી અને ત્યારબાદમાં અચાનક બે શખ્સો ત્યાં આવ્યા હતા. આ સમયે ફ્લેટ લેવા આવેલ બે મહિલામાંથી એક મહિલાએ વૃદ્ધનો કાંઠલો પકડી લીધો હતો, જેના ફોટો ફ્લેટમાં પાછળથી આવેલા શખ્સે પાડી લીધો હતો. આ ફોટાને વાયરલ કરવાની વૃદ્ધને ધમકી આપી હતી અને બાદમાં વૃદ્ધનું તેની જ કારમાં અપહરણ કરવામાં આવ્યું હતું. તેની પાસેથી 22 લાખ રૂપિયા પડાવવામાં આવ્યા હતા. જેની વૃદ્ધે મોરબી બી ડિવિઝન પોલીસ સ્ટેશને ફરિયાદ નોંધાવી હતી, જેના આધારે એલસીબીની ટીમે બે મહિલા સહિત છ આરોપીઓની ધરપકડ કરેલ હતી.
1 કરોડની માંગણી કરીને 22 લાખ રૂપિયા પડાવ્યા
મોરબીના રવાપર રોડ ઉપર આવેલ ઉમીયાચોકમાં કિંગ પેલેસના ફલેટ નં.502 માં રહેતા રામજીભાઇ હરીભાઇ પરેચા જાતે પટેલ (ઉ-68)ને બે મહિલા સહિત છ શખ્સો દ્વારા શિકાર બનાવવા આવ્યા હતા. તેની પાસેથી એક કરોડ રૂપિયાની માંગણી કરીને 22 લાખ રૂપિયા પડાવવામાં આવ્યા હતા.
આરોપી ગીતાબેન ઉર્ફે રીન્કુબેન અંકિતભાઇ અને ઉષાબેન પટેલ તેની પાસે ફ્લેટ વેચાણ રાખવા માટે ટોકનના પૈસા આપવા આવ્યા હતા. ત્યારે ટોકન પેટે 5000 આપવાની વાતચીત ચાલી રહી હતી. ત્યારે આરોપી પ્રશાંત ઉર્ફે લાલો પ્રવિણભાઇ અને અનિલ ઉર્ફે દેવો વિનુભાઇ આવ્યા હતા. ત્યારે ઉષાબેન પટેલે રામજીભાઇ પરેચાનો કાઠલો પકડી લીધો હતો દરમ્યાન આરોપી અનિલ ઉર્ફે દેવો વિનુભાઇએ તેના મોબાઇલમાં સ્ત્રી નજીક હોય તેવા ફોટો પડી લીધા હતા. તેને વાઇરલ કરવાની ધમકી આપી હતી. ત્યારબાદ ડરાવી ધમકાવીને રામજીભાઇને ખોપરી ફાડી નાખવાની ગર્ભીત ધમકી આપી હતી. બાદમાં તેની જ ગાડીમાં તેનું અપહરણ કરીને વાંકાનેર લઈને ગયા હતા. ત્યાર બાદ રસ્તામાં ફોટા વાયરલ કરી સમાજમાં બદનામ કરવાની ધમકી આપી હતી. એક કરોડ રૂપિયાની માંગણી કરવામાં આવી હતી અને જો પૈસા નહી આપો તો ગાડીમાં જીવતા સળગાવી દઇ જાનથી મારીવાની ધમકી આપી હતી ત્યાર બાદ આરોપીઓ વૃદ્ધ પાસેથી પતાવટના 22,00,000 નક્કી કર્યા હતા અને તેની પાસેથી 22,00,000 લીધા હતા આટલું જ નહીં આરોપી પ્રશાંત ઉર્ફે લાલો પ્રવિણભાઇ બારોટ તેના ફોનથી અવાર નવાર સમાધાન માટે રાજકોટ બોલાવતો હતો અને ધમકી આપતો હતો જેથી ભોગ બનેલા વૃદ્ધે ફરિયાદ નોંધાવી હતી તેના આધારે પોલીસે આઇપીસી કલમ - 364A, 386, 387, 323, 506(2), 120 B, 34 મુજબ ગુનો નોંધીને આરોપીને ઝડપી પડેલ છે.
વદ્ધના ફ્લેટ બની રહ્યા હતા ત્યાં આરોપી મિસ્ત્રી કામ કરતો હતો
વધુમાં પોલીસ પાસેથી જાણવા મળતી માહિતી મુજબ ફરિયાદી વૃદ્ધના જે ફ્લેટ બની રહ્યા હતા. ત્યાં આરોપી દિલીપભાઇ કાંતિલાલ મિસ્ત્રી કામ કરતો હતો. જેથી કરીને દિલિપે આરોપી અંકિતભાઇ અને અન્ય આરોપીઓની સાથે મળીને સાથે મળી ગુનાહીત કાવતરૂ રચ્યુ હતું અને વૃદ્ધને હની ટ્રેપમાં ફસાવ્યા હતા. જો કે, એક વખત એક જ ઝટાકે ૨૨ લાખ રૂપિયા મળી ગયા હોવાથી વારંવાર વૃદ્ધને ધમકી આપવામાં આવતી હતી. જેથી કંટાળીને વૃદ્ધે ફરિયાદ નોંધાવતાં પોલીસે ફરિયાદ આધારે તપાસ કરીને આરોપીઓએ ઝડપી લીધા છે. જો કે, મુદામાલ રિકવર કરવા માટેની કવાયત કરવામાં આવી રહી છે.