BIG NEWS / નીતિન ગડકરીની સ્પષ્ટતા: કારમાં ફરજિયાત એરબેગને લઈને આપી મહત્વની જાણકારી, અસલી કિંમત પણ જણાવી

• એક એરબેગની કિંમત 800 રૂપિયા છે: ગડકરી 
• કંપનીઓ શા માટે 15,000 રૂપિયા વસુલે છે: ગડકરી 
• 4 એરબેગનો ખર્ચ 3,200 રૂપિયા થાય છે: ગડકરી

સરકાર કારમાં સેફ્ટી ફીચર્સને લઈને ખૂબ જ એક્ટિવ છે. દેશમાં રોડ અકસ્માતના કારણે થતાં મોત ઘટાડવા માટે સરકાર મોટો નિર્ણય લેવા જઈ રહી છે. સરકાર ટૂંક સમયમાં જ દરેક કારમાં ઓછામાં ઓછી 6 એરબેગ ફરજિયાત કરવાની છે. તેને લઈને નોટિફિકેશન આવતા મહિનામાં જાહેર થઈ શકે છે. ઓટો કંપનીઓ માટે નિયમ ક્યારે લાગૂ થશે, તેને લઈને સંસદમાં જાણકારી આપી છે.

નિશિકાંત દુબેએ પુછ્યો સવાલ

લોકસભામાં ભારતીય જનતા પાર્ટીના સાંસદ નિશિકાંત દુબેએ કારોમાં એરબેગને લઈને પ્રશ્ન પૂછ્યો હતો. તેમણે કેન્દ્રીય સડક પરિવહન અને રાજમાર્ગ મંત્રી નીતિન ગડકરીને પૂછ્યું હતું કે, કારમાં કમ સે કમ 6 એરબેગ ક્યારથી ફરજિયાત થશે. કેન્દ્રીય મંત્રી નીતિન ગડકરીએ તેમના સવાલનો જવાબ આપતા કહ્યું કે, સરકાર આ પ્રસ્તાવ પર વિચાર કરી રહી છે. તેને ટૂંક સમયમાં લાગૂ કરવામાં આવશે.

• કારમાં એરબેગના ભાવને લઇ પરિવહન મંત્રી નીતિન ગડકરીની ટકોર
• એક એરબેગની કિંમત 800 રૂપિયા છે: ગડકરી 
• કંપનીઓ શા માટે 15,000 રૂપિયા વસુલે છે: ગડકરી 
• 4 એરબેગનો ખર્ચ 3,200 રૂપિયા થાય છે: ગડકરી
• સેન્સર અને સપોર્ટિંગ એસેસરીઝ ઈન્સ્ટોલ કરવામા આવો તો ખર્ચ વધી શકે છે: ગડકરી
• આ હિસાબથી એક એરબેગ લગાવવાનો ખર્ચ 1,300 રૂપિયા થઇ શકે છે: ગડકરી 
• એરબેગ લગાવવાનો ખર્ચ 5,200 રૂપિયા થાય: ગડકરી
• કંપનીઓ તેનો ખર્ચ 60,000 રૂપિયા શા માટે ગણાવી રહી છે?: ગડકરી
• ગાડીમાં પહેલેથી જ 2 એરબેગ આવે છે તો 4 એરબેગના 60,000 કેવી રીતે વસુલી શકો: ગડકરી
• રોડ એન્ડ સેફ્ટીને લઇ સરકાર એક મહત્વનો નિર્ણય લઇ રહી છે: ગડકરી
• સરકાર ટૂંક સમયમાં દરેક કારમાં 6 એરબેગ ફરજિયાત કરશે: ગડકરી
• આગામી દિવસોમાં સરકાર આ સંબંધિત નોટિફિકેશન બહાર પાડશે: ગડકરી

6 એરબેગના કારણે મોંઘી થઈ જશે કાર

નીતિન ગડકરીએ ગાડીમાં લાગતી એરબેગની કિંમત પણ સંસદમાં જણાવી હતી. જૂન મહિનામાં મારુતિના ચેરમેન આરસી ભાર્ગવે કહ્યું હતું કે, 6 એરબેગના કારણે સસ્તી ગાડી મોંઘી થઈ જશે. તેમણે કહ્યું હતું કે, નાની કારમાં પણ જો 6 એરબેગ લગાવામાં આવે તો, તેની કિંમત 60 હજાર રૂપિયા સુધી વધી જશે. પરિવહન મંત્રી નીતિન ગડકરીએ લોકસભામાં એક એરબેગ પર આવનારા ખર્ચ વિશે જાણકારી આપી હતી. 

એક એરબેગની કેટલી કિંમત

તેમણે કહ્યું કે, એક એરબેગની કિંમત ફક્ત 800 રૂપિયા છે, પણ કંપની તેના પર 15,000 રૂપિયા શા માટે લઈ રહી છે. નીતિન ગડકરીના જણાવ્યા અનુસાર એક એરબેગની કિંમત 800 રૂપિયા છે અને 4 એરબેગનો ખર્ચ 3200 થાય છે. તેની સાથે જ સેનસર અને સપોર્ટિંગ એક્સેસરીઝ ઈંસ્ટોલ કરવા માટે એરબેગનો ખર્ચ 500 રૂપિયા વધી શકે છે. આ હિસાબે એક એરબેગ લગાવાનો ખર્ચ 1300 રૂપિયા થઈ શકે છે. મતલબ કે આ 4 એરબેગ લગાવવા માટે ખર્ચ 5200 રૂપિયા થસે. તો પછી કંપની તેનો ખર્ચ 60 હજાર કેવી રીતે બતાવી રહી છે.  

કંપની શા માટે બતાવી રહી છે 60 હજાર રૂપિયાનો ખર્ચ

મારુતિના ચેરમેન આરસી ભાર્ગવે જણાવ્યું હતું કે, કારોમાં જો છ એરબેગ લગાવામાં આવે તો, તેની કિંમત 60 રૂપિયા સુધી વધી શકે છે. કારોમાં પહેલાથી 2 એરબેગ લગાવેલી હોય છે. વધારાની 4 એરબેગ લાગતા ખર્ચ 60 હજાર રૂપિયા આવશે. એટલે કે, એક બેગની કિંમત 15 હજાર થશે.

વાહનોમાં ફરજિયાત 6 એરબેગ

ગડકરીએ વધુમાં કહ્યું કે કેટલીક વાહન નિર્માતા કંપનીઓ કારમાં 6 એરબેગ ફરજિયાત કરવાના નિયમનો સતત વિરોધ કરી રહી છે, જેનો પ્રસ્તાવ માત્ર લોકોના જીવ બચાવવા માટે કરવામાં આવ્યો છે. છ એરબેગના પ્રસ્તાવની જાહેરાત કરતી વખતે, ગડકરીએ માર્ચમાં સંસદમાં એમ પણ કહ્યું હતું કે 2020 માં છ કાર્યાત્મક એરબેગની તૈનાતીથી 13,000 લોકોનો જીવ બચાવી શકાયો હોત. તેમણે કહ્યું કે જ્યારે ઓટોમોબાઇલ ઉદ્યોગ વિકસે છે અને વાહનોની સંખ્યા વધે છે, ત્યારે સલામતીનું ધ્યાન રાખવું એ પણ આપણી જવાબદારી છે. ભારતમાં દુનિયાભરનાં માંડ 1 ટકા વાહનો છે, પરંતુ દેશમાં માર્ગ અકસ્માતમાં થતા મૃત્યુનું પ્રમાણ દુનિયાની સરખામણીએ 10 ટકા વધારે છે.