ભયાનક સમાચાર / ચીનનું તો પત્યું નથી ત્યાં હવે મોટા દેશમાં શરુ થઈ કોરોનાની પાંચમી લહેર

• બ્રિટનમાં કોરોના મહામારીની 5મી લહેર દસ્તક દીધી
• ચીન કોરોનાને સામાન્ય ફ્લૂ માને છે!
• બ્રિટનની નેશનલ હેલ્થ ઓથોરિટીએ જાન્યુઆરીથી કોરોના કેસના દૈનિક અહેવાલો આપવાનો ઇનકાર કર્યો

બ્રિટનમાં કોરોના મહામારીની 5મી લહેર દસ્તક દીધી હોય તેવી સ્થિતી ઉભી થઇ છે. બ્રિટનની નેશનલ હેલ્થ ઓથોરિટીએ જાન્યુઆરી 2023થી કોરોના કેસના દૈનિક અહેવાલો આપવાનો ઇનકાર કરી દીધો છે. આરોગ્ય અધિકારીના કહેવા મુજબ કોરોના સામાન્ય થઈ ગયો છે અને લોકો પણ કોરોનાની સાથે જીવી રહ્યા છે. જેને લઈને હવે તેની સારવાર સામાન્ય વાયરલ અને સિઝનલ ફ્લૂની જેમ કરવામાં આવશે. મોનિટરિંગ ચાલુ રહેશે પરંતુ ડેટા જાહેર કરવામાં આવશે નહિ. તેવું જણાવાયું છે.

આપને જણાવી દઈએ કે 17 થી 23 ડિસેમ્બરની વચ્ચે બ્રિટનમાં લગભગ 40 હજાર કોરોનાના નવા કેસો ઉમેરાયા છે. આ દરમિયાન 283 લોકોના મોત થયા હોવાનું પણ સામે આવ્યું છે. 22 અને 23 ડિસેમ્બરે એક પણ મૃત્યુ નોંધાયું ન હતું. બ્રિટન પણ યુરોપના એવા 15 દેશોમાં સામેલ છે જ્યાં કોરોનાના નવા કેસ ઝડપથી ફેલાઈ રહ્યા છે.

ચીન કોરોનાને સામાન્ય ફ્લૂ માને છે

ચીનમાં કોરોનાને કારણે સ્થિતિ એટલી ખરાબ થઈ ગઈ છે કે દવાઓની અછત છે. બીજી બાજુ સરકાર દ્વારા લોકોને લિયાન્હુઆ કિંગ્વેન નામની દવાનું સેવન કરવા જણાવાઈ રહ્યું છે તો આશ્ચર્યજનક વાત એ છે કે, આ દવા વાયરલ ચેપ માટે સૂચવવામાં આવે છે.જેથી ચીનમાં હવે કોરોનાને સામાન્ય ફ્લૂ માનવામાં આવતો હોવાનું ફલિત થઈ રહ્યું છે. સરકારની આ સૂચનાનો લોકોએ વિરોધ કર્યો છે. લોકો કહે છે કે સરકાર આટલી મોંઘી દવાઓ કેમ વહેંચી રહી છે. આ સામાન્ય દવાઓ બજારમાં કેમ ઉપલબ્ધ નથી? હવે સરકાર મેડિકલ સાધનો અને દવાઓના ઉત્પાદન પર નજર રાખશે.