મધ્યસ્થી / ફરી એકવાર ડોનાલ્ડ ટ્રમ્પે કહ્યું, ભારત-ચીનની સીમા પર પરિસ્થિતિ ખૂબ ગંભીર છે, અમે મદદ માટે તૈયાર

• ભારત અને ચીની સીમા પર પરિસ્થિતિ ખુબ ખરાબ છે
• જો આમાં દખલ દઈને કોઈ મદદ કરી શકીશું તો આનંદ થશેઃ ટ્રમ્પ
• રાજનાથ સિંહ અને ચીનના રક્ષા મંત્રી જનરલ વેઈ ફેંધહીની વચ્ચે મોસ્કોમાં બેઠક યોજાઈ

ટ્રમ્પે શુક્રવારે સાંજે વ્હાઈટ હાઉસમાં સંવાદદાતોને કહ્યું કે ભારત ચીન સીમા પર સ્થિતિ ઘણી ખરાબ છે . જો આમાં દખલ દઈને કોઈ મદદ કરી શકીશું તો આનંદ થશે. તેમણે ફરી કહ્યું કે સીમા પર સ્થિતને લઈને ભારત-ચીન બન્ને દેશો સાથે વાત કરી રહ્યા છીએ.

ત્યારે ભારત- ચીન સીમા વિવાદની વચ્ચે રાજનાથ સિંહ અને ચીનના રક્ષા મંત્રી જનરલ વેઈ ફેંધહીની વચ્ચે મોસ્કો ખાતે 2.20 કલાકની બેઠક યોજાઈ હતી. ટ્રમ્પ પહેલા પણ આ રીતને પ્રસ્તાવ મુકી ચૂક્યા છે.

ભારત-ચીનની મધ્ય સીમા પર તૈનાતની વચ્ચે સેનાની તૈયારીનું નિરિક્ષણ કરવા આર્મી ચીન નરવણેએ 2 દિવસની લદ્દાખની મુલાકાત લીધી હતી. તેમ જ તેમણે કહ્યું હતું કે તેઓ કોઈ પણ પરિસ્થિતિનો સામનો કરવા તૈયાર છે.  સીમાની સ્થિતિ નાજુક છે પણ સુરક્ષાને ધ્યાનમાં રાખીને પગલા ભ્યા છે. સમસ્યાનો ઉકેલ વાતચીતથી થઈ શકે છે.