આ કહેવાય સાદગી / 22,000 કરોડની માલકણ છતાંય છે નથી અભિમાન ! ઈન્ફોસિસના ચેરમેન સુધા મૂર્તિની આ તસવીર થઈ વાયરલ, જુઓ શું કર્યું

• ઈન્ફોસિસના અધ્યક્ષ સુધા મૂર્તિનો સાદગીભર્યો અવતાર
• કેરળમાં પોંગલ તહેવાર માટે રસ્તા પર બેસીને બનાવ્યો પ્રસાદ
• ચોખાની રાબ બનાવી રહ્યાંની તસવીર થઈ વાયરલ 

22,000 કરોડથી વધુની માલકણ અને ઈન્ફોસિસના ચેરપર્સન સુધા મૂર્તિની સાદગી જાણીતી છે. કરોડોના માલિક હોવા છતા પણ તેમને સામાન્ય માણસ જેવું જીવન અનુભવવામાં જરા પણ ખચકાટ અનુભવતા નથી અને હવે સુધા મૂર્તિની સાદગીની વધુ એક તસવીર વાયરલ થઈ છે. 

The author Sudha Murty was among the devotees. Here she is with DGP Sandhya and me near the sacred flame #AttukalPongala (The second pic was our view!) pic.twitter.com/qWGkRTZuQO

— Shashi Tharoor (@ShashiTharoor) March 7, 2023

રસ્તા પર સામાન્ય માણસની જેમ બેસીને બનાવી રાબ 
સુધા મૂર્તિએ કેરળમાં ધૂમધામથી ઊજવાતા પોંગલ ઉત્સવમાં ભાગ લઈ રહ્યા હતા. આ સમયે તેમણે તેમના હાથથી જ ચોખાની રાબ બનાવી હતી. સુધા મૂર્તિ ઘણાં પ્રતિભા ધરાવતાં મહિલા છે, અને વિશ્વના કેટલાક સૌથી શક્તિશાળી લોકો સાથે સંબંધ હોવા માટે જાણીતાં છે. પરંતુ સુધા મૂર્તિ તેમની નમ્રતા માટે સૌથી વધુ પ્રખ્યાત છે. હાલ સોશિયલ મીડિયા પર વાઈરલ તેમનો ફોટો તેમની આ નમ્રતાનું તાજું ઉદાહરણ છે.

લોકો ઓળખવામાં ગોથું ખાઈ ગયા 
સુધા મૂર્તિને પોંગલ બનાવતી વખતે અનેક લોકો ઓળખી શક્યા નહોતા. જોકે, મલયાલમ અભિનેત્રી ચિપ્પી રેંજીથ અને કોંગ્રેસના સાંસદ શશિ થરૂરે તેમની સાથેના ફોટા સોશિયલ મીડિયા પર શૅર કર્યા હતા. તેઓ તિરુવનંતપુરમના અટ્ટુકલ ભગવતી મંદિરમાં પોંગલ તહેવાર દરમિયાન સુધા મૂર્તિને મળ્યા હતા.

શશી થરૂરે સેલ્ફી શેર કરી 
કોંગ્રેસ નેતા શશી થરૂરે તેમની સાથે સેલ્ફી શેર કરતાં લખ્યું, “લેખિકા સુધા મૂર્તિ ભક્તોમાં સામેલ હતાં. અહીં તેઓ ડીજીપી સંધ્યા અને મારી સાથે પવિત્ર જ્યોત અત્તુકલ પોંગલ પાસે છે.”

કોણ છે સુધા મુર્તિ
ઈન્ફોસિસ ફાઉન્ડેશનના ચેરપર્સન, ઈન્ફોસિસના સહ-સ્થાપક એનઆર નારાયણ મૂર્તિનાં પત્ની અને બ્રિટનના વડા પ્રધાન ઋષિ સુનકનાં સાસુ સુધા મૂર્તિની ગરમીમાં અને ચૂલાના ધુમાડામાં પોંગલનો પ્રસાદ બનાવતી તસવીર સોશિયલ મીડિયામાં વાઈરલ થઈ હતી. ઈન્ફોસિસનું માર્કેટ કેપ 22,000 કરોડથી વધારે છે અને અબજોની માલકણ એક સામાન્ય માણસની જેમ પ્રસાદ પકવે તે મોટી ઘટના કહેવાય.