કોવિડ મહામારી આવ્યા બાદથી ઘણા લોકો હજુ પણ કલાકો સુધી બેસીને વર્ક ફ્રોમ હોમ કરે છે. જેના કારણે કમરમાં દુઃખાવો, ડોકમાં દુઃખાવાની સમસ્યા થઈ ગઈ છે.
લાંબા સમય માટે એક જ સ્થિતિમાં ન બેસી રહો
થઈ શકે છે આ ગંભીર મુશ્કેલીઓ
જાણો તેનાથી બચવાના ઉપાયો વિશે
હકીકતે વર્ક ફ્રોમ હોમ હોવાના કારણે લોકોના ઓફિસ ટાઈમમાં બેસવાની પોઝિશન બરાબર નથી હોતી. જેના કારણે કમરમાં દુઃખાવો અને હાથ પગમાં દુઃખાવા જેવી સમસ્યાઓ થવાની શરૂ થઈ જાય છે બાદમાં આગળ જઈને આજ દુઃખાવો ગંભીર સમસ્યા બની જાય છે. જો તમને પણ કમરમાં કે ડોકમાં દુઃખાવો છે તો તમારે પોતાની બેસવાની રીતમાં ફેરફાર કરવા જોઈએ.
સતત એક જ જગ્યા પર ન બેસી રહો
તમારે સૌથી પહેલા લાંબા સમય સુધી એક જ જગ્યા પર બેસી ન રહેવા પર ધ્યાન આપવું પડશે. સાથે જ થોડી થોડી વારે આંખો બંધ કરીને બેસો અથવા તો થોડા સમય માટે એક આંટો મારી આવો. તેનાથી તમારા જ્વોઈન્ટ્સમાં દુઃખાવો નહીં થાય. દરેક કલાક બાદ થોડા મિનિટોની બ્રેક ખૂબ જ જરૂરી છે.
આ રીતે રાખો કિ બોર્ડની પોઝિશન
તમારૂ કિબોર્ડ એવી પોઝિશનમાં હોવું જોઈએ જેનાથી તમારા હાથ ટાઈપિંગ કરતી વખતે એકદમ સીઘા હોવા જોઈએ. તમારા હાથની હાઈટના બરાબર કીબોર્ડ હોવું જોઈએ.
ખુરશી-ટેબલનો કરો ઉપયોગ
જ્યારે પણ તમે લેપટોપ અથવા કોમ્પ્યુટર પર કામ કરી રહ્યા છો તો ખુરશી અને ટેબલનો કરો. ખુરશીના કારણે તમારી કમર સીધી રહેશે અને ટેબલના કારણે તમને યોગ્ય પોસ્ચર મળશે અને તમારુ લેપટોપ સ્ટેબલ રહેશે.
કમર સીધી કરીને બેસો
જ્યારે પણ તમે કામ કરવા માટે બેસો તો ધ્યાન રાખો કે તમારી કમર સીધી રહે. આમ કરવાથી તમે જ્વોઈન્ટ પેન ખાસ કરીને શોલ્ડર પેન અને કમરના દુઃખાવાથી બચી શકો છો.
સ્ટ્રેચિંગ પણ છે જરૂરી
કામ વખતે વચ્ચે-વચ્ચે સ્ટ્રેચિંગ પણ કરતા રહો. ક્યારેક હાથને ઉપર લઈ જાઓ આગળ અને પાછળની તરફ સ્ટ્રેચ કરો સાથે જ પગને પણ સ્ટ્રેચ કરતા રહો. તમે ઉભા થઈને કમર અને ડોકને પણ સર્કલમાં ફેરવી થોડો આરામ આપી શકો છો.