BIG NEWS / વડોદરાનો હાઈ પ્રોફાઈલ દુષ્કર્મ કેસ હવે SITને હવાલે, જાણો કોણ કરશે તપાસ 

• વડોદરામાં હાઈ પ્રોફાઈલ દુષ્કર્મ કેસની તપાસ SITને
• વડોદરા પોલીસ કમિશનરે તપાસ માટે કરી SITની રચના
• 3 ACP અને એક PIની SITની ટીમમાં સમાવેશ કરાયો

વડોદરામાં હાઈ પ્રોફાઈલ દુષ્કર્મ કેસની તપાસ SITને સોંપવામાં આવી છે.શહેર પોલીસ કમિશનરે તપાસ માટે કરી SITની રચના કરી છે જેમાં   3 ACP અને એક PIનો SITની ટીમમાં સમાવેશ કરાયો છે, આ ટીમમાં ACP અનીતા વાનાણી, ACP ક્રાઈમ ડી.એસ ચૌહાણ સામેલ કરાયા છે તો ACP હાર્દીક માંકડીયા અને PI વી.આર ખેરનો પણ સમાવેશ કરવામાં આવ્યો છે.SIT ની ટીમ હાલ આરોપી અશોક જૈનની શોધખોળ  કરી રહી છે.દિલ્હીની હરિયાણવી યુવતી પર દુષ્કર્મનાં આરોપની ફરિયાદ લગભગ 10 દિવસ પહેલા પોલીસ ચોપડે નોંધાઈ હતી. હજુ પોલીસને આરોપી અશોક જૈન સાથે બુટલેગર અલ્પુ સિંધીની પણ શોધ છે.       

હોટલમાં પીડિતાને 10 દિવસ રાખવામાં આવી હતી 
વડોદરા ક્રાઇમ બ્રાંચને પહેલી સફળતા દુષ્કર્મના કેસમાં કાનજી મોકરિયાની ધરપકડ કરીને મળી હતી. અલકાપુરી સોસાયટીમાં રહેતા કાનજી મોકરિયાની ભૂમિકા શંકાસ્પદ જણાઈ રહી હતી તેથી વધુ તપાસ અર્થે ક્રાઇમ બ્રાન્ચ દ્વારા દુષ્કર્મ કેસમાં કાનજી મોકરિયાની ધરપકડ કરી હતી.  કાનજી મોકરિયા પર આરોપ હતો કે હોટેલમાં વ્યવસ્થા સાથે રાજુ ભટ્ટને ભગાડવામાં કાનજી મોકરિયાની મહત્વની ભૂમિકા હતી. હોટલ હાર્મનીમાં પીડીતાને 10 દિવસ રાખવામા આવી હતી.27 સપ્ટેમ્બરની રાત્રે કાનજી મોકરિયાની ધરપકડ બાદ આજે દુષ્કર્મ કેસનો આરોપી રાજુ ભટ્ટ જૂનાગઢ ઝડપાયો હતો.

6 ટીમ બનાવી પોલીસ તપાસ કરી રહી છે 
આ દરમિયાન પીડિતાએ ફેંકી દીધેલાં કપડાં અને કોન્ડમ પોલીસે કબજે કર્યાં છે. પોલીસ તપાસ દરમિયાન પીડિતા પોલીસને ગ્રાઉન્ડમાં લઈ ગઈ હતી અને પોતે ફેંકી દીધેલાં કપડાં અને કોન્ડમ પોલીસને સોંપ્યાં હતાં, જેને તપાસ અર્થે FSL મોકલવામાં આવશે. આ ઉપરાંત હેલીગ્રીન ફ્લેટ ખાતેથી પણ પોલીસે છોકરીના વાળ અને કોન્ડમનાં પેકેટ જપ્ત કર્યાં હતાં. અહી ઉલ્લેખનિય છે કે પોલીસે અગાઉ પણ રાજુ ભટ્ટને મદદ્ કરનારની પણ ધરપકડ કરી લીધી છે. હાઈપ્રોફાઈલ દુષ્કર્મ કેસમાં બંન્ને આરોપીનો ઝડપી પાડવા માટે પોલીસે 6 ટીમ બનાવી તપાસ કરી રહી છે ત્યારે કેમમાં રાજુ ભટ્ટને ભગાડવામાં મદદ કરનાર આરોપી કાનજી મોકરીયાની ક્રાઈમ બ્રાન્ચે ધરપકડ કરી લીધી છે. 

વડોદરા હાઈપ્રોફાઇલ રેપ કેસમાં પોલીસ એક બાદ એક આરોપીઑ પર ફંદો કસી રહી છે.અત્યાર સુધીમાં ક્રાઈમ બ્રાન્ચે રેપ કેસના મુખ્ય આરોપી પૈકીના રાજૂ ભટ્ટ અને તેને ભગાડવાના આરોપસર શંકાસ્પદ ભૂમિકામાં રહેલા કાનજી મોકરિયાની ધરપકડ કરી છે. આમ કુલ 2 લોકોની ધરપકડ કરવામાં આવી છે. અશોક જૈન હજુ પોલીસ પકડથી દૂર છે. પણ રાજૂ ભટ્ટ પકડાઈ જતાં પૂછપરછમાં વધુ ખુલાસા થાય તેવી સંભાવના છે.

હાઇપ્રોફાઇલ દુષ્કર્મ કેસમાં અત્યાર સુધી શું થયું?

• મુખ્ય આરોપી અશોક જૈન હજુ સુધી પોલીસ પકડથી દૂર છે
• ઘટનાના 10 દિવસ બાદ પણ અશોક જૈનનો કોઇ પત્તો નહીં
• હાઇપ્રોફાઇલ દુષ્કર્મ કેસની તપાસ SIT કરશે
• વડોદરા પોલીસ કમિશનરે તપાસ માટે કરી SITની રચના
• 3 ACP અને એક PIની SITની ટીમમાં સમાવેશ કરાયો
• આરોપી કાનજી મોકરિયાના 2 દિવસના રિમાન્ડ મંજૂર કરાયા 
• કાનજી મોકરિયાએ રાજુ ભટ્ટને ભગાડવામાં કરી હતી મદદ
• કાનજી મોકરિયાએ પીડિતાને 3 લાખ રૂપિયા દયા ભાવના દાખવી આપ્યા હોવાનો કર્યો ખુલાસો
• પીડિતા યુવતી કાનજી મોકરિયાના હોટલમાં 20 દિવસ રોકાઈ હતી
• 28મી તારીખે આરોપી નંબર 2 રાજુ ભટ્ટ ક્રાઇમ બ્રાંચના સંયુક્ત ઓપરેશનમાં ઝડપાયો
• રાજુ ભટ્ટને ભગાડવામાં મદદ કરનારા કાનજી મોકરિયાની પોલીસે કરી છે ધરપકડ
• કાનજી મોકરિયાએ વડોદરાની હાર્મની હોટેલમાં રાજુ ભટ્ટ માટે વ્યવસ્થા કરી હતી
• વડોદરાની ક્રાઇમ બ્રાંચ સાથે આ કેસમાં હવે FSL પણ કરી છે તપાસ
• અશોક જૈનના પરિવારની સતત થઇ રહી છે પૂછપરછ
• દુષ્કર્મ કેસની પીડિતાની પણ સતત થઇ રહી છે પૂછપરછ 
• આ કેસ સાથે જોડાયેલો બુટલેગર અપ્પુ પણ ફરાર છે
• રાજુ ભટ્ટની પૂછપરછમાં થઇ શકે છે મોટા ખુલાસા
• હાઇપ્રોફાઇલ દુષ્કર્મ કેસમાં પોલીસની 6 ટીમ લાગી તપાસમાં
• 20મી તારીખે યુવતીએ કર્યા હતા આરોપ 
• 10 દિવસ વિત્યા છતાં અશોક જૈન હજુ ફરાર છે 
• અશોક જૈન ક્યા છૂપાયો છે તે મોટો સવાલ