અનૈતિક સંબંધો જ્યારે શરૂ થાય ત્યારે તો સુંવાળા અને સારા લાગે છે પરંતુ તેના આટાપાટામાં પહેલા પ્રેમી-પ્રેમિકા પરોવાયા છે અને પછી અટવાય છે. દિશાહિન સંબધ તેમને પતનના માર્ગે દોરી જાય છે અને મોટા ભાગે આવા સંબધોનો અંજામ બંનેમાંથી એકના મોત સાથે જ આવતો હોય છે આવો જ જીવ સટોસટ ખેલ ખેલી રહેલા દિયર-ભાભીના સંબધોનો અંત દિયરની ખુદ પ્રેમિકા અને ભાભીના જ હાથે હત્યા થતા સામે આવ્યો છે.
સુરતમાં ભાભીએ કરી દિયરની હત્યા
વડોદ ગામે થોડા દિવસ પહેલા મળ્યો હતો મૃતદેહ
ભાભી અને દિયર વચ્ચે અનૈતિક સબંધ હતા
સુરતમાં ભાભીએ દિયરની હત્યા કરી હોવાનો મામલો સામે આવ્યો છે. સુરતના વડોદ ગામે થોડા દિવસ પહેલા મૃતદેહ મળ્યો હતો. ભાભી અને દિયર વચ્ચે અનૈતિક સંબંધ હોવાનો ઘટસ્ફોટ થયો છે.
કેવી રીતે પાંગર્યો પ્રેમ સંબધ
ભાભી-ભાઈની વચ્ચે દિયરની એન્ટ્રી ભાઈની રાતપાળીને કારણે થઈ હતી. જ્યારે મોટાભાઈ રાતપાળી નોકરીએ જતા ત્યારે દિયર ભાભી રંગરેલિયા મનાવતા હોવાનું સામે આવ્યું છે. ા પ્રેમ સંવનન જ પતનનું કારણ બન્યુ હતુ. પત્નીને પતિને ખબર પડવાની બીક લાગતા તે પ્રેમ સંબધનો અંત આણવા માંગતી હતી.
પોતાના જ પ્રેમીની કેમ કરી હત્યા?
દિયરે ભાભી સાથેના પ્રેમ સંવનનના ફોટો પાડી લીધા હતા અને પછી રીતસર સંબધ ચાલુ રાખવા ભાભીને દબાણ કરતો હતો એટલું જ નહીં પરંતુ રોજ રાતે દિયર શારીરિક સંબંધ બાંધવા દબાણ કરતો હતો. જો ભાભી ન પાડે તો તે ફોટા ભાઈને બતાવી દેવાની બીક બતાવતો અને દિયરે ફોટો પણ સોશિયલ મીડિયામાં વાયરલ કરવાની ધમકી આપી હતી. જેને લઇ ભાભીએ દિયરને ગળેટૂંપો આપી અને હત્યા કરી દીધી.