ગુજરાત ભાજપના 17 સભ્યોની ટીમ દિલ્હીની મુલાકાત છે. આ મામલે દિલ્હીના શિક્ષણમંત્રી મનીષ સિસોદીયાએ આ મામલે ટ્વીટ કરીને કહ્યું AAPના 5 ધારાસભ્યો સ્વાગત કરશે
દિલ્હી મોડેલ V/S ગુજરાત મોડેલની જંગમાં ગુજરાત ભાજપના નેતાઓ જશે દિલ્હી
મનિષ સિસોદિયાના ગુજરાત મોડેલના રિયાલીટી ચેક બાદ હવે ભાજપનો વારો
મનિષ સિસોદિયા ટ્વિટ કરી કહ્યું AAPના 5 ધારાસભ્યો સ્વાગત કરશે
5 ધારાસભ્યો બતાવશે દિલ્લીનો વિકાસ : મનીષ સિસોદીયા
ભાજપની એક ટીમ આજે દિલ્હી ખાતે જવા રવાના થશે. આ ટીમમાં 17 સભ્યો સામેલ હશે. જે કેજરીવાલ સરકારના દિલ્હી મોડલને રિયાલાટી ચેક કરનાર છે.જે વાતની જાણ દિલ્હીના નાયબ મુખ્યમંત્રી મનિષ સિસોદીયા થતાં તેઓ એક ટ્વિટ કર્યું છે. અને કહ્યું છે. ગુજરાત ભાજપની ટીમનું સ્વાગત કરવા અમે આપના 5 ધારાસભ્યોની ટીમ બનાવી છે.ભાજપના નેતાઓને જ્યાં જવું હોય ત્યાં લઈ જશે
દિલ્હી મોડેલ V/S ગુજરાત મોડેલની જંગમાં ગુજરાત ભાજપના નેતાઓ જશે દિલ્હી
મહત્વનું છે કે, ગુજરાતમાં વિધાનસભાની ચૂંટણીના પડઘા પડી રહ્યાં છે. ત્યારે વિવિધ પાર્ટીઓના દિગ્ગજ નેતાઓનો ગુજરાત પ્રવાસ વધી રહ્યો છે. મહત્વનું છે કે, આ વખતે ગુજરાતમાં ત્રિપાંખીયો જંગ ખેલાવા જઈ રહ્યો છે. બીજી તરફ જનતા પણ કોંગ્રેસને કોરાણે મુકીને આમ આદમી પાર્ટીને મજબૂત વિપક્ષ તરીકે જોઈ રહ્યાં છે. ત્યારે આમ આદમી પાર્ટીઓના નેતાઓ આ ચૂંટણીને એક તક તરીકે જોઈ રહ્યાં છે. ત્યારે આ તરફ ભાજપ પણ પોતાના ગઢ ગુજરાતમાં ક્યાંય ગાબડુ પડવા દેવા માંગતું નથી અને તેના માટે હવે તેણે નવી વ્યુરચના અમલમાં મુકી હોય તેવું લાગી રહ્યું છે.
સિસોદિયાના ગુજરાત મોડેલના રિયાલીટી ચેક બાદ હવે ભાજપનો વારો
મળતી માહિતી મુજબ ભાજપની એક ટીમ આજે દિલ્હી ખાતે જવા રવાના થશે. આ ટીમમાં 17 સભ્યો સામેલ હશે.જેમાં ભાજપ મીડિયા ટીમ, પૂર્વ મંત્રીઓ અને વિશ્લેષકોનો સમાવેશ કરવામાં આવ્યો. આગામી ચૂંટણીના ભાગરૂપે આ પ્રવાસ થઈ રહ્યો છે. ઉલ્લેખનીય છે કે, દિલ્હીના મોડેલને લઈને આપ દ્વારા ભાજપને ઘેરવાનો પ્રયાસ થતો હોય છે. ત્યારે હકીકતે આ કેવું મોડલ છે. તે પ્રજાને બતાવવામાં આવશે. આમ દિલ્હી પ્રવાસ કેજરીવાલના વાસ્તિવક મોડલને પ્રજા સુધી પહોંચાડવા માટે કરવામાં આવી રહ્યો છે. તેમજ દિલ્હીના મુખ્યમંત્રી અરવિંદ કેજરીવાલના વિકાસના દાવાઓની સત્યતા ચકાશવામાં આવશે
હવે ભાજપના નેતાઓ દિલ્લીની શાળાઓનું કરશે રિયાલીટી ચેક
ઉલ્લેખનીય છે કે, તાજેતરમાં દિલ્હીના નાયબ મુખ્યમંત્રી મનિષ સિસોદીયા તાજેતરમાં ગુજરાત મોડેલનું રિયાલીટી ચેક કરવા ગુજરાત ખાતે આવ્યાં હતાં. જ્યાં તેઓએ રાજ્યભરની વિવિધ શાળાઓને મુલાકાત લઈને રાજ્યની શિક્ષણનીતિ સામે સવાલો ઉઠાવ્યા હતાં. તેમજ ગુજરાત સરકારના મોડેલ પર વાકપ્રહારો કર્યા હતાં. ત્યારે આજ થી દિલ્હીનો વારો હવે ભાજપના નેતાઓ દિલ્હીની શાળાઓનું રિયાલીટી ચેક કરશે