ACB ટીમને જોઇને લાંચ લેતા અધિકારીએ તાત્કાલિક દરવાજો બંધ કર્યો હતો. ઘણા પ્રયત્નો છતાં પોલીસે દરવાજો ન ખોલાયો તો કટર મંગાવવામાં આવ્યું, જો કે કલ્પેશ અને તેની પત્નીએ નોટો બાળી નાખી.
રાજસ્થાનમાં બની ઘટના
પોલીસે કહ્યા છતાં દરવાજો ન ખોલ્યો અને નોટો સળગાવી નાખી
ACB ની ટીમે લાંચિયા અધિકારી અને રેવન્યુ ઇન્સ્પેકટરની કરી અટકાયત
રાજસ્થાનના સિરોહીમાં લાંચ લેતા અધિકારીએ પકડાય નહીં તે માટે તેના ઘરના ચૂલા પર વીસ લાખની નોટો સળગાવી મારી હતી. ACB ની ટીમે ઘરની બહાર બારીમાંથી બળી રહેલી નોટો જોતી રહી. તે આરોપીને નોટ ન સળગાવવા સમજાવી રહી હતી પરંતુ આ સરકારી અધિકારીએ તેમની વાત ન માનતા પત્નીની મદદથી તેણે 20 લાખ બાળી નાખ્યા હતા. ACB એ લાંચ લેતા આ અધિકારી અને રેવન્યુ ઇન્સ્પેકટરની ધરપકડ કરી હતી. ACB ને પણ કરોડોની સંપત્તિના કાગળો મળી આવ્યા હતા.
એવી આશંકા છે કે, આરોપી અધિકારી કમલેશ જૈને લાંચ લઈ લઈને ખૂબ સંપત્તિ બનાવી છે. ACB ની ટીમે બારી ખોલવા માટે જહેમત ઉઠાવી હતી, પણ અધિકારી કલ્પેશ જૈનને નોટો બાળતા રોકી શક્યા નહીં. બારીની બીજી બાજુથી, આ ટીમે સળગતી નોટોના વીડિયો બનાવ્યા હતા.
કોન્ટ્રાક્ટ માટે માંગી હતી લાંચ
હકીકતે સિરોહીના પિંડવારામાં સરકારી જમીન પર આમળાની છાલ અને તેંદુના પાનના ઠેકા અપાય છે. કોન્ટ્રાકટ માટે અધિકારી કલ્પેશ જૈને કોન્ટ્રાક્ટર મૂળસિંહ પાસેથી પાંચ લાખની લાંચ માંગી હતી. ખુલ્લી હરાજીમાં કરાર આપવામાં આવનાર હતો. મહેસૂલ નિરીક્ષક પરબતસિંહે મૂળસિંહ પાસે એક લાખ એડવાન્સની માંગ કરી હતી.
મૂળસિંહે ACB ને ફરિયાદ કરી હતી. પાલી જિલ્લાની ACBની ટીમ મૂળસિંહ સાથે પહોંચી હતી. જલ્દી જ મૂલસિંહે પરબતસિંહને એક લાખની લાંચની રકમ આપી તેને પકડ્યો હતો, પરંતુ પરબત સિંહે ACB ને જણાવ્યું હતું કે, આ લાંચ તો અધિકારી કલ્પેશ જૈન માટે લેવામાં આવી હતી, ત્યારબાદ એ.સી.બી.ની ટીમ પિંડવાડામાં આ સરકારી અધિકારીના ઘરે પહોંચી હતી. કલ્પેશ ટીમને જોઈને સમજી ગયો હતો કે જો ACBની ટીમે દરોડો પાડ્યો તો તે પકડાશે. ઘરમાં જમા કરેલી લાંચની રકમ પણ હાજર હતી. પુરાવા ભૂંસી નાખવા માટે, 20 લાખની નોટો સળગાવી મારી.
કટર મંગાવવામાં આવ્યું
ACB ટીમને જોઇને લાંચ લેતા અધિકારીએ દરવાજો બંધ કર્યો હતો. ઘણા પ્રયત્નો છતાં પોલીસથી દરવાજો ન ખૂલ્યો તો કટરનો ઓર્ડર આપ્યો. જ્યારે કટરમાંથી દરવાજો કાપીને તે ખોલ્યો ત્યારે કલ્પેશ અને તેની પત્ની લાંચની રકમ લઇને રસોડામાં લઈ ગયા. નોટોના બંડલ્સ, ગેસના ચૂલા ઉપર મૂકી આગ લગાવી. ACBની ટીમે દરવાજો ખોલ્યો ત્યાં સુધીમાં મોટાભાગની નોટોના બંડલ સળગી ગયા હતા. અડધી શેકાયેલી નોટો મળી આવી હતી. ઘરની તલાશી લીધી, કરોડોની સંપત્તિના દસ્તાવેજો મળી આવ્યા હતા.
હવે ACB બેંકના લોકરોની પણ તપાસ કરશે. એવી આશંકા વ્યક્ત કરવામાં આવી રહી છે કે, આ અધિકારીએ લાંચ દ્વારા કરોડોની સંપત્તિ બનાવી હતી. કલ્પેશ જૈન અને મહેસૂલ નિરીક્ષક પરબતસિંહની ધરપકડ કરી પાલીની કોર્ટમાં રજૂ કરવામાં આવી હતી.