રાજસ્થાનના સિરોહી જિલ્લામાં દેશી ઘી ભરેલું એક ટેન્કર પલ્ટી જતાં ઘી લૂંટવા માટે લોકોએ પડાપડી કરી હતી.
રાજસ્થાનમાંથી અજીબોગરીબ ઘટના સામે આવી
દેશી ઘી ભેરલું ટેન્કર પલ્ટી જતાં લોકોએ પડાપડી કરી
ડ્રાઈવર ફસાયેલો હતો પણ કોઈએ ધ્યાન ન આપ્યું
રાજસ્થાનના સિરોહી જિલ્લામાં દેશી ઘી ભરેલું એક ટેન્કર પલ્ટી જતાં ઘી લૂંટવા માટે લોકોએ પડાપડી કરી હતી. આ દરમિયાન ઘાયલ ડ્રાઈવર ટેન્કરમાં જ ફસાઈ રહ્યો પણ કોઈએ તેની સામે જોયું નહીં. બાદમાં ઘટના સ્થળે પોલીસ પહોંચી અને ટેન્કરમાંથી ડ્રાઈવરને કાઢી હોસ્પિટલમાં પહોંચાડ્યો હતો. લગભગ 3 કલાક સુધી હાઈવે પર ઘીના વાણસો ભરીને ભરીને લોકો ભાગવા લાગ્યા હતા. બાદમાં પોલીસ આવી જતાં લોકો નાઠ્યા હતા, જો કે અમુક લોકો પોલીસ આવી છતાં પણ વાસણમાં ઘી ભરી રહ્યા હતા.
પોલીસના જણાવ્યા અનુસાર સિરોહી જિલ્લાના સ્વરૂપગંજ વિસ્તારની આ ઘટના છે. અહીં શનિવારે દેશી ઘી ભરેલું એક ટેન્કર પલ્ટી ખાઈ ગયું હતું. આ દરમિયાન હાઈવે પર ઘી ઢોળાઈ ગયું હતું. ઘી રસ્તાની બંને સાઈડમાં નાળામાં વહેવા લાગ્યું હતું. આ જોઈને આજૂબાજૂના લોકો સહિત હોટલ અને ઢાબાના કર્મચારીઓ પણ ઠામ લઈને આવી પહોંચ્યા હતા.
પોલીસે ડ્રાઈવરને હોસ્પિટલમાં પહોંચાડ્યો
લોકોને અહીં વાસણોમાં ઘી ભરવાનું શરૂ કર્યું હતું પણ કોઈએ ટેન્કરમાં ફસાયેલા ડ્રાઈવર તરફ ધ્યાન ન આપ્યું. સૂચના મળતા પોલીસ ઘટનાસ્થળે પહોંચી હતી અને પહેલા ડ્રાઈવરને ત્યાંથી નિકાળ્યો અને તેને હોસ્પિટલમાં પહોંચાડ્યો હતો. બાદમાં પોલીસે ત્યાંથી ભીડને હટાવાનો પ્રયાસ કર્યો, પણ લોકો હટ્યા નહીં, પોલીસે આખરે કડકાઈ દેખાડી હતી.