ક્રિકેટ / મોહમ્મદ સિરાજે કુલદીપ યાદવનું ગળુ દબાવ્યુ, ફેન્સે BCCIને પૂછ્યુ આની તપાસ કરાવો

• ડ્રેસિંગ રુમમાં સિરાજે કુલદીપનું ગળુ પકડ્યુ
• વીડિયો થયો સોશિયલ મીડિયા પર વાયરલ
• ફેન્સ ટ્વીટર પર બીસીસીઆઈનાં પ્રમુખને પ્રશ્નો કરી રહ્યા છે

સિરાજે કુલદીપને બહાર રોકી ગરદન પકડી
ભારત-ઈંગ્લેન્ડ વચ્ચે શરુ થયેલ ટેસ્ટ મેચનાં પહેલા દિવસનાં એક વીડિયોમાં જોવા મળ્યું છે કે જ્યારે બીજા દિવસની રમત પૂરી કરીને ભારતીય ખેલાડીઓ ડ્રેસિંગ રુમ તરફ પરત ફરી રહ્યાં છે. ત્યારે કુલદીપ પણ ડ્રેસિંગ રુમ તરફ પહોંચ્યો છે પણ તેને મોહમ્મદ સિરાજે બહાર રોકીને તેની ગરદન પકડી લીધી. તે દરમિયાન ત્યાંથી રવિ શાસ્ત્રી પણ પસાર થઈ રહ્યાં હતા.

વીડિયો થયો વાયરલ
ભારત અને ઈંગ્લેન્ડ વચ્ચે ચાર ટેસ્ટ મેચની સિરીઝનો પહેલો મુકાબલો ચેન્નાઈ ખાતે રમાઈ રહી છે. મેચનાં બીજા દિવસે શનિવારે ભારતીય ટીમનાં ડ્રેસિંગ રુમની બહારનો એક વીડિયો સોશિયલ મીડિયા પર વાયરલ થઈ રહ્યો છે. જેમાં ટીમ ઈન્ડિયાના ફાસ્ટ બોલર મોહમ્મદ સિરાજે કુલદીપ યાદવની ગરદન પકડી છે. તેને જોતા એવુ લાગે છે કે બંનેમાં લડાઈ થઈ રહી છે અને સિરાજે કુલદીપની ગરદન દબાવી દીધી છે. વીડિયોને જોયા બાદ રમત પ્રેમીઓએ બીસીસીઆઈને આ અંગે ઘણાં સવાલો કર્યાં છે.

ફેન્સે બીસીસીઆઈને પ્રશ્નો પૂછ્યા
વીડિયોમાં એ જોવા મળી રહ્યું છે કે, જ્યારે સિરાજે કુલદીપની ગરદન પકડી છે ત્યારે બાજુમાં રવિ શાસ્ત્રી પસાર થઈ રહ્યા છે. ટ્વીટર પર ભારતીય ક્રિકેટ ટીમનાં એક ફેને બીસીસીઆઈનાં બોર્ડ અધ્યક્ષ સૌરવ ગાંગુલી અને સચિન તેન્ડુલકરને ટેગ કરીને પૂછ્યું છે કે આ શું થઈ રહ્યું છે. કુલદીપની સાથે સિરાજ આવું કેમ કરે છે. શું આમાં કોઈ તપાસ કરવાનો આદેશ કરવામાં આવ્યો છે.

સિરાજ અને કુલદીપને પ્લેઈંગ ઈલેવનમાં જગ્યા ના મળી
જોકે ઘણાં યુઝર્સે આ વીડિયો જોઈને કહ્યું કે આ ફક્ત એક મજાક છે. બંને એકબીજા સાથે હસી મજાક કરી રહ્યાં છે. ઈંગ્લેન્ડ વિરુદ્ધ પહેલી ટેસ્ટ માટે કુલદીપ યાદલ અને મોહમ્મદ સિરાજને પ્લેઈંગ ઇલેવનમાં જગ્યા નથી મળી. ક્રિકેટર સુરેશ રેનાએ કુલદીપની ઉણપ વર્તાઈ રહી છે તેવી વાત કરી છે. બીજી તરફ ઓસ્ટ્રેલિયામાં નાયક બનેલા સિરાજની જગ્યાએ ઇશાંત શર્માને ટીમમાં જગ્યા આપવામાં આવી છે. ઈશાંતે પહેલી ઈનિંગ સુધીમાં ફક્ત બે વિકેટો ખેરવી હતી. 

બોલરોને મુશ્કેલીનો સામનો કરવો પડ્યો
ચેન્નાઈ ટેસ્ટની ફર્સ્ટ ઈનિંગમાં ભારતીય બોલરોને ખૂબ મુશ્કેલીઓનો સામનો કરવો પડી રહ્યો છે. ઈંગ્લેન્ડે 8 વિકેટ ગુમાવીને 555 રન બનાવી લીધા છે. જેમાં જો રુટે શાનદાર બેવડી સદી ફટકારી હતી. તેની સાથે ડોમિનિક સિબલીએ 87 અને બેન સ્ટોક્સે 82 રનની ઈનિંગ રમી હતી.